Пад Варшавай пачалася падрыхтоўка супрацоўнікаў каналу Беларусь-TV
Новае тэлебачаньне мусіць пачаць вяшчаньне ўвесну
Новае беларускае тэлебачаньне ў хуткім часе пачне вяшчаньне на Беларусь. У панядзелак варшаўскія спэцыялісты пачалі рыхтаваць кандыдатаў на пасады карэспандэнтаў для працы на тэлевізіі «Беларусь TV», што мае пачаць вяшчаньне з польскай сталіцы праз спадарожнік увесну наступнага году.
Першая група ў складзе 12 чалавек у прыгарадзе Варшавы – Фаленіцы, праходзіць цяпер двухтыднёвае абучэньне. Праграму адкрылі кіраўнік праекту зь беларускага боку дзеяч тэлебачаньня Эдуард Мельнікаў ды польскі мэдыяльны трэнер – рэпарцёр Адам Рагаля.
Па словах арганізатараў праекту, за 14 дзён навучаньня з 10-гадзіннымі заняткамі кандыдаты маюць прайсьці праграму, на якую польскія студэнты трацяць ад трох да шасьці месяцаў.
Сярод выкладчыкаў – адзін з заснавальнікаў Беларускай рэдакцыі Польскага радыё Марцін Сьмялоўскі, былы супрацоўнік амбасады Польшчы ў Менску Марэк Буцька, якога дэпартавалі ў чэрвені мінулага году ды шмат іншых. Пра правы і абавязкі журналіста ў Беларусі ў першы ж дзень навучаньня распавёў юрыст Беларускай асацыяцыі журналістаў Андрэй Бастунец.
Навучаньне першай групы будучых тэлежурналістаў, як мяркуецца, працягнецца да канца верасьня, пасьля чаго на зьмену прыедуць наступныя 12 чалавек.
Польскі суддзя-перабежчык: «Ідыёты з Беларусі ніколі гэтага не зразумеюць. Цяпер я развітваюся»6
Каментары