Kali tak staniecca, to Siarhiej Kalakin stanie 13-m kandydatam, jaki aficyjna zajavić pra svaje ambicyi.
U sieradu ŭ Minsku prajšła čarhovaja sustreča kiraŭnikoŭ levych sił Biełarusi, u jakoj uziali ŭdzieł Alaksandr Buchvostaŭ, Alena Jaśkova, Siarhiej Kalakin, Anatol Laŭkovič.
Pa vynikach sustrečy staršynia partyi levych «Spraviadlivy śviet» Siarhiej Kalakin zaznačyŭ, što pryniaćcie rašeńnia ab vypracoŭcy adzinaj płatformy levych sił na budučych prezidenckich vybarach, jość dobrym fundamientam dla vyłučeńnia kandydata ŭ prezidenty ad levych sił», paviedamlaje sajt udf.by.
Pra svoj udzieł u budučych prezidenckich vybarach zajavili: lider Ruchu «Za Svabodu» Alaksandr Milinkievič, Aleś Michalevič, sustaršynia arhkamiteta pa stvareńni BCHD Vital Rymašeŭski, namieśnik staršyni Partyi BNF Ryhor Kastusioŭ, staršynia arhkamiteta pa stvareńni BSDP «Narodnaja hramada» Mikoła Statkievič, siabry BSDP «Hramada» Valer Frałoŭ i Miečysłaŭ Hryb, kaardynatar «Chartyi'97» Andrej Sańnikaŭ, namieśnik staršyni Abjadnanaj hramadzianskaj partyi Jarasłaŭ Ramančuk, namieśnik staršyni Biełaruskaj partyi «Zialonyja» Jury Hłušakoŭ, lider Libieralna‑demakratyčnaj partyi Siarhiej Hajdukievič.
Pra toje, što nie vyklučajuć svoj udzieł u budučaj prezidennckaj kampanii, zajavili eks‑kandydat u prezidenty na vybarach 2006 hoda Alaksandr Kazulin i lider hramadzianskaj kampanii «Havary praŭdu» Uładzimir Niaklajeŭ.
Łukašenka pakul aficyjna nie zajaviŭ
Ź pieraličanych vyšej u vybarčaj honcy 2006 hoda brali ŭdzieł Hajdukievič, Kazulin i Milinkievič. Hajdukievič udzielničaŭ u vybarach 2001 hoda.
Prezdenckija vybary ŭ Biełarusi mohuć prajści pry kancy 2010 — pačatku 2011 hoda (nie paźniej za 6 lutaha 2011)
Ciapier čytajuć
Jak u halečy śpivałasia radnia Łukašenki? Małaviadomyja fakty45
Kamientary