Im dazvolać 11 apieracyj.
Biełaruskija kryptabanki buduć apieravać 26 kryptavalutami. Pra heta siońnia zajaviŭ pieršy namieśnik staršyni praŭleńnia Nacbanka Alaksandr Jahoraŭ.
«Što da valut, paradku… zdajecca, 26 valut vyznačana. Najbolš papularnyja — bitkojn, efir, ton, sałana, kardana. Jany ŭklučany ŭ pieralik kryptavalut, jakija možna vykarystoŭvać, uklučany i stejbłkojny. Heta i USDT, i USDC. Adpaviedna, pakul my bačym hetyja 26 valut», — skazaŭ Alaksandr Jahoraŭ.
Jon taksama paviedamiŭ, što kryptabankam dazvolać 11 apieracyj.
«Pačynajučy ad kryptaŭkładu, kryptakredytu, zakładu krypty, apieracyj stejkinhu, kali ty pieradaješ svaju kryptu, i jana ŭdzielničaje ŭ stvareńni novaj krypty, za što atrymlivaješ uznaharodu, mahčymaści apieracyj pa pieradačy krypty, heta značyć tranśfier ad adnoj fizičnaj abo jurydyčnaj asoby inšaj fizičnaj abo jurydyčnaj asobie, praduhledžana mahčymaść vypusku ŭłasnych tokienaŭ kryptabankami. Nu i, zrazumieła, apieracyi abmienu, kastadyjalnaha zachoŭvańnia — heta, pa sutnaści, kali čałaviek pieradaje svaju kryptu na daviernaje zachoŭvańnie banku», — skazaŭ jon.
Kamientary
Nu chiba treba chutka admyć vialikuju summu sumnieŭnaha/kryminalnaha pachodžańnia ŭ krypcie i atrymać “čysty” nał.
Vinšuju, łuka pieraŭtvorvaje biełaruś u affšor dla machlaroŭ, piedafiłaŭ i narkabaronaŭ