U Šviecyi pryniali rašeńnie kanfiskavać zatrymanaje sudna rasijskaha cieniavoha fłotu
Šviecyja kanfiskavała hruzavoje sudna, jakoje, pavodle ŭładaŭ, mahło naležać da tak zvanaha «cieniavoha fłotu» Rasii i vykarystoŭvałasia dla abychodu mižnarodnych sankcyj, piša Euronews.
Havorka idzie pra 96‑mietrovy karabiel Caffa, jaki ŭ pačatku sakavika byŭ spynieny šviedskimi ŭładami kala bierahoŭ krainy. Na bort sudna padnialisia ŭzbrojenyja supracoŭniki palicyi Šviecyi. Častka ekipaža była zatrymana pa padazreńni ŭ parušeńni marskoha zakanadaŭstva, pravił biaśpieki i vykarystańni padroblenych dakumientaŭ.
Pavodle infarmacyi šviedskaj prakuratury, sudna ruchałasia ŭ bok Sankt-Pieciarburha. Taksama adznačajecca, što jano mahło iści pad falšyvym ściaham i znachodzicca ŭ sankcyjnych śpisach Ukrainy.
Šviedskija ŭłady śćviardžajuć, što atrymali zapyt na pravavuju dapamohu ad zamiežnaj krainy, ale nie raskryvajuć, ad jakoj mienavita. Mienavita ŭ miežach hetaha zapytu było pryniata rašeńnie ab kanfiskacyi sudna dla dalejšaha razhladu ŭ sudzie i mahčymaj pieradačy inšaj dziaržavie.
Pavodle infarmacyi bierahavoj achovy, jość padazreńni, što sudna mahło vykarystoŭvacca dla pieravozki zbožža, jakoje ličycca vyviezienym z Ukrainy. Taksama paviedamlajecca, što bolšaść členaŭ ekipaža — hramadzianie Rasii.
U materyjałach adznačajecca, što Rasija vykarystoŭvaje sietku starych tankieraŭ ź niaprazrystaj strukturaj ułasnaści, kab abychodzić sankcyi ES, ZŠA i krain G7, uviedzienyja paśla pačatku vajny suprać Ukrainy ŭ 2022 hodzie.
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»12
Kamientary