У Швецыі прынялі рашэнне канфіскаваць затрыманае судна расійскага ценявога флоту
Швецыя канфіскавала грузавое судна, якое, паводле ўладаў, магло належаць да так званага «ценявога флоту» Расіі і выкарыстоўвалася для абыходу міжнародных санкцый, піша Euronews.
Гаворка ідзе пра 96‑метровы карабель Caffa, які ў пачатку сакавіка быў спынены шведскімі ўладамі каля берагоў краіны. На борт судна падняліся ўзброеныя супрацоўнікі паліцыі Швецыі. Частка экіпажа была затрымана па падазрэнні ў парушэнні марскога заканадаўства, правіл бяспекі і выкарыстанні падробленых дакументаў.
Паводле інфармацыі шведскай пракуратуры, судна рухалася ў бок Санкт-Пецярбурга. Таксама адзначаецца, што яно магло ісці пад фальшывым сцягам і знаходзіцца ў санкцыйных спісах Украіны.
Шведскія ўлады сцвярджаюць, што атрымалі запыт на прававую дапамогу ад замежнай краіны, але не раскрываюць, ад якой менавіта. Менавіта ў межах гэтага запыту было прынята рашэнне аб канфіскацыі судна для далейшага разгляду ў судзе і магчымай перадачы іншай дзяржаве.
Паводле інфармацыі берагавой аховы, ёсць падазрэнні, што судна магло выкарыстоўвацца для перавозкі збожжа, якое лічыцца вывезеным з Украіны. Таксама паведамляецца, што большасць членаў экіпажа — грамадзяне Расіі.
У матэрыялах адзначаецца, што Расія выкарыстоўвае сетку старых танкераў з няпразрыстай структурай уласнасці, каб абыходзіць санкцыі ЕС, ЗША і краін G7, уведзеныя пасля пачатку вайны супраць Украіны ў 2022 годзе.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу2
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары