U Litvie syšoŭ z rejek hruzavy ciahnik z chimikatami. Heta ŭžo druhi vypadak za apošnija dni
U Litvie pad Koŭnam z rejek syšoŭ hruzavy ciahnik z chimikatami. Heta druhi taki vypadak za dva dni. Nočču z rejek syšli łakamatyŭ i vahony z Hiermanii. Ułady śćviardžajuć, što paciarpiełych, a taksama ŭciečki niebiaśpiečnych rečyvaŭ niama.
Z-za avaryi nadoŭha spynilisia ciahniki, jakija iduć na poŭdzień krainy — u bok Maryjampala i Kibartaŭ.
U suviazi z hetym incydentam Biełaruskaja čyhunka zajaviła pra zatrymku niekalkich ciahnikoŭ, jakija kursujuć praz terytoryju Biełarusi ŭ rasijski Kalininhrad i ź jaho.
Zatrymki zakranajuć ciahniki:
- №360 Kalininhrad — Adler;
- №148 Kalininhrad — Maskva;
- №147 Maskva — Kalininhrad;
- №79 Sankt-Pieciarburh — Kalininhrad;
- №29 Maskva — Kalininhrad.
Paviedamlajecca, što zatrymki na Biełaruskaj čyhuncy składajuć prykładna ad 30 chvilin da 5 hadzin.
Akramia taho, častka vahonaŭ ź ciahnika №148 Kalininhrad — Maskva, jakija išli ŭ spałučeńni Minsk — Maskva, 3 maja budzie ruchacca asobnym ciahnikom №248 Minsk — Maskva. Jon adpraŭlajecca ź Minska a 9:49 i prybyvaje ŭ Maskvu a 19:44.
Papiaredniaja padobnaja avaryja adbyłasia ŭ Litvie ranicaj 1 maja na čyhunačnaj stancyi Hudžuny ŭ Kiejdanskim rajonie. Tady z rejek syšli try vahony sa ščebniem. Vahony pierakinulisia, hruz vysypaŭsia. U vyniku zdareńnia nichto nie paciarpieŭ, ale incydent zakranuŭ 18 ciahnikoŭ i kala 3000 pasažyraŭ, jakija jechali ŭ kirunku na Šaŭli i Kłajpiedu.
Ciapier čytajuć
Siamju ź Minska buduć sudzić za zdradu dziaržavie i kantrabandu zbroi. Ich, padobna, zatrymali na miažy — voś što viadoma7
Kamientary
№360 Kalininhrad — Adler;
№148 Kalininhrad — Maskva;
№147 Maskva — Kalininhrad;
№79 Sankt-Pieciarburh — Kalininhrad;
№29 Maskva — Kalininhrad/
Achacha! Ciahnički z Rasiei kursirujuć pa Letuvie niaspynna.