Što za žančyna ŭ piłotcy i z čyrvona-zialonym ściaham nakinułasia na antypucinski pikiet u Barsiełonie? Jana z Homiela
9 maja ŭ Barsiełonie amatary «ruskaha śvietu» nakinulisia na aktyvistaŭ, jakija pryjšli na šeście «Bieśśmiarotnaha pałka» z antyvajennymi płakatami. Adnoj z samych ahresiŭnych udzielnic sutyčki była 57‑hadovaja Jana Budnickaja (Sapunova), jakaja ŭžo bolš za 20 hadoŭ žyvie ŭ Ispanii.
Janie Budnickaj (Sapunovaj) — 57 hadoŭ. Pa źviestkach Belpol, jana naradziłasia ŭ rasijskim Uładzivastoku, ale kali była małaja, jaje siamja pierajechała ŭ Homiel. Tam žančyna skončyła škołu, a z 2000 pa 2004 hady mieła status indyvidualnaj pradprymalnicy.
U Ispaniju Budnickaja pierabrałasia dva dziasiatki hadoŭ nazad. Ciapier jana žyvie ŭ Barsiełonie. Žančyna dahetul jeździć u Biełaruś da svajakoŭ, ale pierajazdžać u rodnuju havań nazusim, padobna, nie źbirajecca.
Budnickaja daŭno maje prarasijskija pohlady. Jašče ŭ maładości jana ŭdzielničała ŭ fiestyvali «Try siastry», jaki viadomy pad nazvaj «Słavianskaje adzinstva».
Jon prachodziŭ na ŭkrainska-biełaruska-rasijskaj miažy i byŭ adnym z prapahandysckich simvałaŭ «tryadzinstva słavianaŭ». Z pačatku rasijskaha ŭvarvańnia va Ukrainu ŭ 2014 hodzie nie pravodzicca. «Takoha prajekta bolš nie budzie», — narakała žančyna ŭ sacsietkach.
U prarasijskaj tusoŭcy Barsiełony Jana — čałaviek viadomy. Jana z 2015 hoda rehularna chodzić na «Bieśśmiarotnyja pałki», adznačaje «Dni Rasii» i «Dni narodnaha adzinstva». Užo nie pieršy raz na šeście žančyna prynosić čyrvona-zialony ściah.
9 maja ŭ Barsiełonie prachodziŭ «Bieśśmiarotny połk». Da šeścia dałučylisia aktyvisty arhanizacyi Rusos Libres i ŭkraincy z płakatam «Nie pucinskamu fašyzmu», pačaŭsia kanflikt. Sapunova razam ź inšymi fanatami Pucina kidałasia na pratestoŭcaŭ. Jak raskazvali sami paciarpiełyja, ich bili i nie davali prajści, paśla čaho jany źbiralisia padavać zajavu ŭ ispanskuju palicyju.
«Naša Niva» — bastyjon biełaruščyny
PADTRYMAĆCiapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary