Heta miesca niepadalok ad Kuncaŭščyny, pa adrasie Adojeŭskaha, 115A, u sučasnym ŽK «Samaćviety», pabudavanym u 2015 hodzie.
Unutry — nie mienš sučasnyja kvatery. Adna ź ich ciapier šukaje žycharoŭ za $1850 u ekvivalencie za miesiac, piša Onliner.by.
Trochpakajovaja kvatera maje salidnuju płošču — 100 «kvadrataŭ». Pavodle słoŭ uładalnika, rabiłasia jana vyklučna dla siabie i raniej nikoli nie zdavałasia ŭ arendu: «Vykanany ramont z samych lepšych i darahich materyjałaŭ. Kožny elemient dyzajnu i ramontu padbiraŭsia staranna i indyvidualna».
Žyllo składajecca z prastornaj haścinaj, złučanaj z kuchniaj, dźviuch spalniaŭ, dvuch sanvuzłoŭ i harderobnaj:
— Prastornaja i kamfortnaja haścioŭnia, sumieščanaja z funkcyjanalnaj kuchniaj, dzie asobna vydzielena rabočaja zona. Mnostva schavanych miescaŭ dla zachoŭvańnia. Dźvie izalavanyja spalni. Umiaščalnaja harderobnaja. Druhaja spalnia šmatfunkcyjanalnaja: pasuje i dla kabinieta, i dla pracy. U kvatery dva paŭnavartasnyja sanvuzły.
Dyzajn interjeru vykanany z šykam, ale i funkcyjanalnyja asablivaści kvatery i doma taksama dobra pradumanyja:
— U kožnym pakoi — ułasny kandycyjanier, sučasnyja televizary, vysakachutkasny internet. U domie jość padziemny parkinh, ułasnaje miesca z mahčymaściu zaradki elektramabila.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu1
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary