Pad Smalavičami ŭčarašni viecier źniščyŭ vialikuju ciaplicu, a ŭ Červieni sarvaŭ dach z prypynku
U kancy maja nadvorje ŭ Biełarusi mocna pahoršyłasia: učora byŭ mocny viecier, paryvy jakoha dasiahali prykładna 26 m/s. Stychija naniesła značnuju škodu, najbolš paciarpieli Minskaja, Viciebskaja, Homielskaja i Mahiloŭskaja vobłaści. Pra niekatoryja najbolš uražlivyja vypadki piša «Minskaja praŭda».
Asabliva ciažkaja situacyja była ŭ Smalavickim rajonie, dzie mocny viecier amal całkam źniščyŭ vialikuju ciaplicu. Pavodle śviedkaŭ, usio adbyłosia vielmi chutka: kanstrukcyju litaralna razarvała paryvami vietru, i adnavić jaje pakul niemahčyma.
U Červieńskim rajonie taksama naziralisia mocnyja paryvy vietru, zalevyi i miescami hrad. Na trasie M-4 kala Červienia ŭźnikli prablemy z rucham: viecier sarvaŭ dach z prypynku i paškodziŭ darožnyja znaki.
Stychija zakranuła i Minsk. U horadzie padali drevy, u tym liku na Niamizie.
U parkach situacyja była jašče horšaj: u Sievastopalskim parku pavaliła kala dvuch dziasiatkaŭ dreŭ, u Kijeŭskim skviery drevy vyryvała z karaniami.
Na vulicy Kulman dreva ŭpała pobač z aŭtamabilami, ale, na ščaście, ludzi nie paciarpieli.
Usiaho za dzień u krainie ŭpała bolš za dźvieście dreŭ, paškodžańni atrymali nie mienš za dziasiatak aŭtamabilaŭ. Taksama viecier paškodziŭ dachi žyłych damoŭ i sielskahaspadarčych budynkaŭ.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva11
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary