«Muž zabraniravaŭ adpačynak u Anapie, dapamažycie mnie jaho adhavaryć»

«Jeździŭ kaleha muža ź siamjoj, sioleta taksama jeduć»

«Muž zabraniravaŭ adpačynak u Anapie ź siaredziny žniŭnia. Dapamažycie mnie jaho adhavaryć, nijakich dovadaŭ i faktaŭ nie razumieje. Kaža, što letaś jeździŭ jahony kaleha ź siamjoj, sioleta taksama jany tudy jeduć i majho padbuchtoryli, kab razam siemjami adpačyć. Maŭlaŭ, plažy pačyścili, nafty niama, drony, sireny jość, nu, a što takoha», — napisała žančyna z Mazyra i dadała, što małodšaje dzicia mohuć pakinuć z babulami doma.

Pavialičyć

Na letni adpačynak siamja maje 6500 rubloŭ, ale nie razumieje, u jakim kirunku ruchacca z takim biudžetam.

U kamientarach razharełasia haračaja dyskusija.

«Treba być prosta varjatam, kab ciapier jechać u hetuju zonu adpačyvać…» — hučyć samy ŭpadabany kamientar.

«A ja ździŭlajusia, što baćki svaich dziaciej adpravili dobraachvotna, dumaju — dy nie moža ž być. A nie, moža. Voś, žyvy prykład», — napisała inšaja žančyna.

«Nakolki ludzi ŭsio ž dalokija ad realnaści… Strašna za vas. Jaho nie biantežyć ni paliŭny kałaps u Rasii, ni bajavyja dziejańni, ni ataki dronaŭ… Uzorny ***», — kamientujuć.

Inšaja žančyna adznačyła, što hetych hrošaj chopić, kab udvaich źlotać na 10 dzion u Turcyju na «ŭsio ŭklučana». «Mužu adrenalinu nie chapaje? Na zdaču ad Turcyi chaj z parašutam skoknie», — dadała jašče adna kamientatarka.

Pavialičyć

Taksama ludzi raili zamianić Čornaje mora na adpačynak na Brasłavie.

«Krasnadarski kraj Rasii pastajanna abstrelvajecca. Nie viedaješ, kudy nastupnym razam prylacić.

Jak možna tudy jechać? Lepš tady ŭžo na Brasłaŭščynie niešta šukać. My niekalki razoŭ adpačyvali ź dziećmi — prosta vydatnyja miescy. Tak, z nadvorjem moža nie pašancavać, ale ŭsio adno možna vydatna čas pravieści».

Adna z karystalnic, ździviŭšysia kolkaści ludziej, hatovych jechać u taki ryzykoŭny adpačynak, paraiła ŭładam papiaredzić ludziej, što kali niešta zdarycca, to jany buduć vyrašać prablemy za svoj košt.

«Šmat krain z moram, a ich ciahnie ŭ mora, zasranaje naftaj, i pad palbu rakiet z dronami», — dadaje jana.

Pavialičyć

Paraili adpravić muža adnaho

Mnohija žartavali, što muž žančyny — kandydat na premiju Darvina, i paraili joj adpravić jaho ŭ Anapu adnaho.

«Situacyi ź dziećmi mała? Mnie zdajecca, ułasnaje žyćcio daražejšaje za adpačynak. Kali jon tak choča, chaj jedzie adzin», — napisała karystalnica.

«Nu dyk i chaj jedzie adzin! U dziaciej pavinna zastacca choć by maci», — dadała inšaja.

«Nu dyk adpraŭlajcie jaho adnaho, kali dupa haryć. Kali ŭ vas jość hałava na plačach, to siadzicie doma», — raić jašče adna.

Pačalisia masavyja admovy 

Pry hetym u kamientarach adpisałasia niamała ludziej, jakija ŭžo admovilisia ad adpačynku ŭ Rasii.

«My ź siamjoj taksama admovilisia. Pajedziem na Brasłaŭ», — napisaŭ mužčyna.

Abvastreńnie situacyi paŭpłyvała na admovu ad adpačynku nie tolki ŭ samoj Rasii.

Pavialičyć

«U nas syn pavinien byŭ jechać u Hruziju na adpačynak praz Krasnadar. Admovilisia. Bieražonaha Boh bieraže», — napisała karystalnica.

«Siońnia admianiŭ aŭtobusny tur u Hruziju. Turfirmy sami bajacca jechać», — dadaje mužčyna.

«My ŭ Abchaziju pavinny byli spačatku jechać na mašynie — admovilisia, zabraniravali avijabilety na 27 červienia ŭ Sočy, ale ŭ vyniku ŭsio admianili. Praz usiu hetuju situacyju nikudy nie pajedziem».

«U nas byŭ zabraniravany tur u Kabardzinku z vyjezdam na 3 lipienia (4 čałavieki). My admianili pajezdku!»

Vajna spyniaje nie ŭsich

Praŭda, jość i tyja, chto jašče nie viedaje, što adpačynak u Rasii i navat prajezd pa terytoryi RF — zaduma niebiaśpiečnaja.

Naprykład, žančyna, jakaja maje bilety ŭ Hielendžyk na 29 žniŭnia, spadziajecca, što da hetaha času ŭsio rassasiecca.

«My 8 lipienia pavinny vyjazdžać u Hielendžyk. Nie viedaju, što rabić, prosta nie razumieju», — dadaje inšaja.

Što da aŭtarki dopisu, to praz paru hadzin jana adpisałasia, što vyrašyli ŭ Rasiju nie jechać.

• 1
• 0
• 2
• 2
• 0
• 0
• 0
• 0