18 červienia ŭ Sankt‑Pieciarburhu adbudziecca siamnaccataje pasiadžeńnie Kamisii Mytnaha sajuza, havorycca ŭ paviedamleńni na aficyjnym sajcie hetaha orhana.
Na pasiadžeńni členy Kamisii płanujuć padpisać šerah pahadnieńniaŭ, a taksama abmiarkujuć chod vykanańnia płana dziejańniaŭ pa farmiravańni Adzinaj ekanamičnaj prastory (AEP) Biełarusi, Kazachstana i Rasii.
Jany taksama abmiarkujuć pytańni: ab testavańni paradku zaličeńnia i raźmierkavańnia ŭvaznych mytnych pošlin; niuansy pierachodnaha pieryjadu pry źbirańni ŭskosnych padatkaŭ pry eksparcie i imparcie tavaraŭ, vykanańni prac, akazańni pasłuh u Mytnym sajuzie; ab prymianieńni śpiecyjalnych abaronnych, antydempinhavych i kampiensacyjnych mier na adzinaj mytnaj terytoryi Mytnaha sajuza ŭ ramkach JeŭrAzES.
Akramia hetaha na pasiadžeńni pojdzie havorka ab raspracoŭcy dakumientaŭ pa paetapnaj admienie z 1 studzienia 2011 hoda vydačy fitasanitarnaha siertyfikatu na padkarancinnuju pradukcyju, jakaja pieramiaščajecca pa mytnaj terytoryi Mytnaha sajuza, ab prajekcie płana mierapryjemstvaŭ pa ŭzajemnym pryznańni rehistracyjnych paśviedčańniaŭ na lekavyja srodki vytvorcaŭ dziaržaŭ — členaŭ Mytnaha sajuza, jakija vyrablenyja va ŭmovach naležnaj vytvorčaj praktyki (GMP), ab zaćviardžeńni prajektaŭ dakumientaŭ pa techničnym viadzieńni adzinaj tavarnaj namienkłatury źniešnieekanamičnaj dziejnaści Mytnaha sajuza i ab asobnych časovych vyklučeńniach z režymu funkcyjanavańnia adzinaj mytnaj terytoryi Mytnaha sajuza.
Taksama členy Kamisii płanujuć abmierkavać šerah pytańniaŭ mytna‑taryfnaha i nietaryfnaha rehulavańnia i ab karekciroŭcy stavak Adzinaha mytnaha taryfu Mytnaha sajuza ŭ dačynieńni da šerahu tavaraŭ.
Nahadajem, u skład kamisii MS uvachodziać pieršy namieśnik staršyni ŭrada Rasii Ihar Šuvałaŭ (staršynia kamisii), namieśnik staršyni ŭrada Biełarusi Andrej Kabiakoŭ i pieršy namieśnik staršyni ŭrada Kazachstana Umirzak Šukiejeŭ.
11 červienia ŭ Maskvie zapłanavanaja sustreča Alaksandra Łukašenki ź Dźmitryjem Miadźviedzievym i Uładzimiram Pucinym. Jaje asnoŭnaj temaj stanuć pytańni funkcyjanavańnia Mytnaha sajuza Biełarusi, Kazachstana i Rasii.
Ciapier čytajuć
Jak u halečy śpivałasia radnia Łukašenki? Małaviadomyja fakty23
Kamientary