Pavodle paviedamleńniaŭ izrailskich ŚMI, ułady Izraila pryniali rašeńnie spynić vajennyja ŭdary pa Iranie. Jak śćviardžajuć krynicy vydańniaŭ, takoje rašeńnie było pryniata paśla pieramoŭ premjer-ministra Izraila Bińjamina Nietańjachu z vuzkim kołam ministraŭ i adpaviadaje prośbie prezidenta ZŠA Donalda Trampa.
Pry hetym paviedamlajecca, što izrailskija ŭdary pa terytoryi Livana mohuć praciahvacca. U Ijerusalimie zajaŭlajuć, što ŭ vypadku novych atak z boku šyickaha radykalnaha ruchu «Chiezbała» apieracyi suprać jaho abjektaŭ buduć adnoŭlenyja.
Raniej u toj ža samy dzień iranskaje vajskovaje kamandavańnie taksama zajaviła pra spynieńnie atak suprać Izraila. Adnak u Tehieranie papiaredzili, što ŭ vypadku dalejšych bajavych dziejańniaŭ, u tym liku izrailskich udaraŭ pa paŭdniovym Livanie, adkaz moža być bolš žorstkim.
Na hetym fonie ahienctva Reuters paviedamiła pra ataki bieśpiłotnikaŭ pa abjektach kurdskich uzbrojenych farmavańniaŭ u Iraku kala horada Sulejmanija. Pavodle krynic u słužbach biaśpieki, adzin udar byŭ naniesieny pa bazie piešmierha (kurdskich uzbrojenych siłaŭ), druhi — pa łahiery iranskich kurdskich apazicyjnych hrup.
Premjer-ministr Pakistana Šachbaz Šaryf vykazaŭ mierkavańnie, što pieramovy pamiž ZŠA i Iranam mohuć nieŭzabavie pryvieści da dasiahnieńnia pastaŭlenych metaŭ, i zaklikaŭ usie baki da strymanaści.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary