Forvard biełaruskaj zbornaj Alaksiej Kalužny pryznany najlepšym chakieistam Biełarusi 2010 hoda. Taki vynik tradycyjnaha apytańnia haziety «Priessboł».
U vyniku hałasavańnia Alaksiej Kalužny, jakomu 13 červienia spoŭniłasia 33 hady, nabraŭ 405 bałaŭ (99 pieršych miesc, 42 druhija i 24 trecija). Chakieist, jaki ŭ ciapierašnim mižsiezońni ŭpieršyniu pieramoh u takim apytańni, pierajšoŭ z maskoŭskaha «Dynama» ŭ omski «Avanhard».
Druhoje miesca zaniaŭ forvard nacyjanalnaj kamandy i «Manreala» Andrej Kaścicyn — 210 (45, 26, 23), a trecim staŭ jašče adzin forvard zbornaj krainy, jaki vystupaŭ u minułym siezonie ŭ padmaskoŭnym MUS, Alaksiej Uharaŭ — 206 (27, 42, 41). U apytańni pryniali ŭdzieł 235 chakiejnych śpiecyjalistaŭ i spartyŭnych žurnalistaŭ. Minułyja hady łaŭreatam šmatrazova pryznavaŭsia hałkipier Andrej Miezin — čatyry razy, try razy pieršym nazyvaŭsia forvard Uładzimir Cypłakoŭ, a abaronca Rusłan Salej dvojčy byŭ najlepšym chakieistam Biełarusi.
Najlepšym trenieram minułaha siezona pa vynikach hałasavańnia 92 žurnalistaŭ pryznany nastaŭnik čempijona krainy minskaha «Junactva» Michaił Zacharaŭ, jaki atrymaŭ 143 bały (38, 11, 7). U minułym siezonie jon treniravaŭ taksama zbornyja Biełarusi (na Alimpijadzie‑2010 u Vankuviery) i Ukrainy (na čempijanacie śvietu ŭ dyvizijonie 1). Dla Michaiła Zacharava heta treciaje zvańnie najlepšaha treniera krainy.
Druhoje miesca zaniaŭ Alaksandr Andryjeŭski («Homiel», «Dynama», Minsk, zbornaja Biełarusi na čempijanacie śvietu) — 133 (25, 20, 18), a trecim byŭ Alaksiej Husaŭ («Šachcior», «Dynama», zbornaja Biełarusi na čempijanacie śvietu) — 81 (6, 24, 15).‑0‑
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ20
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary