U Hrodnie pradajuć unikalnuju kvateru, jakoj moh by pazajzdrościć Karłsan
Studyja prosta na dachu šmatpaviarchovika!
Kvatera mieścicca ŭ pramym sensie na dachu 11‑paviarchovaha doma. Heta adzin z troch damoŭ, pabudavanych naprykancy 1990-ch, jakija ŭ narodzie nazyvajuć «damami pad sinimi dachami». U svaje časy jany ličylisia ledź nie elitnymi.
«Pad sinimi dachami» hetyja damy nazyvajuć praz toje, što ŭ ich jość sinija kavałački dachu i admysłovyja špakoŭni.
U adnoj z troch hetych «špakoŭniaŭ» i pradajuć kvateru.
«Z terasy bačny ŭvieś horad, a ŭ pahodlivy dzień vidać polskuju i litoŭskuju miažu», — skazana ŭ apisańni da abjekta.
Raniej tam była majsternia mastaka, ale paźniej pamiaškańnie pieraviali ŭ žyły fond, tamu pražyvańnie i, adpaviedna, prapiska tam całkam zakonnyja.
Ahulnaja płošča kvatery-studyi — amal 30 kvadrataŭ. Asnoŭnaje pamiaškańnie maje płošču 25,8 mietra i padzielena na dva ŭzroŭni.
Na nižejšym uzroŭni mieścicca kuchonnaja zona, a na niekalki prystupak vyšej — spalnia-haścioŭnaja.
Taksama ŭ kvatery jość nievialiki sanvuzieł z dušavoj kabinaj i rukamyjnikam.
Aproč hetaha, jość zašklonaja terasa, dzie mieścicca leśvica, što viadzie niepasredna ŭ kvateru.
Kab dabracca ŭ hetuju kvateru, aproč leśvicy, što na terasie, daviadziecca padniacca jašče na paru pralotaŭ paśla taho, jak vy ŭžo vyjdziecie ź lifta na apošnim paviersie.
Vyšynia stolaŭ u kvatery ad 2,41 da 3,21 mietra. Z akna terasy jość vychad naŭprost na dach doma.
Prosiać za takuju ŭnikalnuju kvateru 200 800 rubloŭ, što kala $69 tysiač, abo $2300 za mietr pry siaredniaj canie kvadrata pa Hrodna $1182.
Padobnyja pamiaškańni jość na kožnym z troch damoŭ. Na adnym z susiednich budynkaŭ u «špakoŭni» zdavali pamiaškańnie pad ofis.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie2
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary