Minčanka źniała kanflikt pamiž padletkami, paśla čaho ich vyklikali ŭ milicyju
Uviečary 13 lipienia na terytoryi žyłoha kompleksu «Viaršynia» adbyŭsia incydent, jaki šakavaŭ minčanku Marharytu. Jana źniała na videa, jak adzin z padletkaŭ lažaŭ na asfalcie, atrymaŭšy, pavodle jaje nazirańniaŭ, udar ad adnaho z pryjacielaŭ.
U roliku jana adznačyła, što «kraina pavinna viedać svaich hierojaŭ», i zaklikała baćkoŭ kryŭdziciela «dać jamu papružki», piša Onliner.by.
Incydent adbyŭsia kala vaśmi hadzin viečara. Marharyta razam sa svaim trochhadovym synam siadzieli na łaŭcy kala doma, jeli maroziva i zdymali pra heta rolik.
— U niejki momant ja pačuła svarku pamiž padletkami, jakija byli niepadalok: dvoje abražali svajho pryjaciela, jaki, vidać, byŭ maładziejšy za ich. Pačuŭšy niecenzurnyja słovy, ja zrabiła tym dvum zaŭvahu, ale ŭ adkaz atrymała poŭnaje ihnaravańnie.
Pavodle surazmoŭcy, kanflikt praciahvaŭsia kala paŭhadziny. U niejki momant jana pačuła kryk i ŭklučyła kamieru.
— Sam udar i momant padzieńnia ja źniać nie paśpieła. Ale kali padyšła bližej, ubačyła padletka, jaki lažaŭ na asfalcie, i dvuch kryŭdzicielaŭ pobač ź im. Liču, što tak być nie pavinna, tamu i apublikavała ŭ svaim Instagram hety rolik z prośbaj maksimalnaha raspaŭsiudžvańnia. Chłopčyk, jakoha źbili, prasiŭ nie raskazvać pra zdareńnie jaho baćkam i admoviŭsia ad dapamohi. U toj ža čas ja paličyła nieabchodnym nadać hetaj historyi ahałosku, bo liču, što heta najlepšy sposab pakarańnia za takija ŭčynki.
Rolik Marharyty, u jakim jana zaklikała baćkoŭ kryŭdziciela dać jamu ramnia i kazała, što «kraina pavinna viedać svaich hierojaŭ», ubačyli nie tolki bolš za 50 tysiač padpisčykaŭ, ale i supracoŭniki milicyi.
U aŭtorak, 14 lipienia, vypadak prakamientavali ŭ MUS. U viedamstvie paviedamili, što abodvuch udzielnikaŭ kanfliktu chutka ŭstanavili. Imi byli školniki z Frunzienskaha rajona Minska. Kryŭdzicielu — 13 hadoŭ, paciarpiełamu chłopčyku — 12.
«Padletkaŭ razam z baćkami zaprasili ŭ RUUS dla raźbiralnictva. Padčas hutarki vyśvietliłasia, što chłopcy siabrujuć i razam trenirujucca ŭ adnym sa staličnych futbolnych kłubaŭ. U dzień kanfliktu jany razam ź inšymi znajomymi pajšli hulać paśla naviedvańnia letniaha školnaha łahiera. Padčas sumiesnaha adpačynku pamiž padletkami ŭźnikła nieparazumieńnie, jakoje i pryviało da incydentu», — paviedamili ŭ MUS.
Pa fakcie zdareńnia pravodzicca pravierka. Taksama ŭ viedamstvie adznačyli, što baćki paciarpiełaha školnika admovilisia pisać zajavu ab pryciahnieńni vinavataha da adkaznaści. Ź niepaŭnaletnimi i ich zakonnymi pradstaŭnikami supracoŭniki milicyi praviali prafiłaktyčnuju hutarku.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
A što, lepiej pa cicharsku žyć? Kab nichto ničoha nia viedaŭ? Kab kožny siadzieŭ u svajoj norcy dy maŭčaŭ? Kab złačyncy zastavalisia niepakaranymi? Kab vučylisia spačatku adnahodkaŭ bić, potym kvatery rabavać, potym na pracy kraści, potym vybary falsifikavać i ni za što nie adkazvać?
Vy nia błytajcie "stukačoŭ", što na dobrasumlennych hramadzian danosiać, z "Hramadzianami", što chočuć zrabić krainu i śviet lepšymi, biaz hvałtu j inšych pravaparušeńniaŭ.
podmusorionnyj ?