Ministr abarony ZŠA Chehset: Vajna ź Iranam užo abyšłasia Vašynhtonu ŭ 37,5 młrd dalaraŭ
Pasiadžeńnie niekalki razoŭ pierapyniałasia z-za krykaŭ pratestoŭcaŭ.
Ministr abarony ZŠA Pit Chehset zajaviŭ, što na dadzieny momant vajna ź Iranam abyšłasia Złučanym Štatam prykładna ŭ 37,5 młrd dalaraŭ — heta amal na 8 młrd bolš, čym pavodle apošnich acenak, apublikavanych u mai, piša Bi-bi-si.
Vystupajučy ŭpieršyniu paśla adnaŭleńnia vajennych dziejańniaŭ pamiž ZŠA i Iranam pierad Kamitetam Sienata pa asihnavańniach, Pit Chehset zajaviŭ, što vajennaja padrychtoŭka budzie vymušana skaracicca, kali zakanadaŭcy nie ŭchvalać terminovaje pavieličeńnie finansavańnia.
Jon paviedamiŭ, što prosić u Kanhresa vydzielić jaho viedamstvu 87 młrd dalaraŭ, ź jakich 67 młrd dalaraŭ pryznačanyja dla apieracyj na Blizkim Uschodzie.
Pasiadžeńnie niekalki razoŭ pierapyniałasia z-za krykaŭ pratestoŭcaŭ. Niekatoryja ź ich skandavali: «Spynicie bambić našych dziaciej u Iranie i Paleścinie!»
Vystupleńnie Chehseta pierad kamitetam adbyłosia ŭ pierałomny momant vajny — paśla taho jak na Blizkim Uschodzie zahinuli troje amierykanskich vajskoŭcaŭ.
U krasaviku Bieły dom źviarnuŭsia da Kanhresa z prośbaj vydzielić Pientahonu 1,5 trłn dalaraŭ na nastupny finansavy hod, što pryviało b da pavieličeńnia vajennych vydatkaŭ ZŠA da rekordnaha ŭzroŭniu za ŭsiu najnoŭšuju historyju.
U paniadziełak ZŠA nanosili ŭdary ŭžo dziasiaty dzień zapar, a Iran adkazaŭ ułasnymi ŭdarami pa ZŠA i ich sajuźnikach na Blizkim Uschodzie.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja12
Kamientary
Vojna v Ukrainie obošłaś SŠA i Zapadu kuda dorožie, v sotni milliardov priamoj pomoŝi