Lehiendarny partuhalski futbalist Kryšcijanu Ranałdu pačaŭ novy etap svajoj karjery — jon dałučyŭsia da stvareńnia maštabnaha dramatyčnaha sieryjała pra brytanski futboł. Były forvard «Mančester Junajted» vystupić vykanaŭčym pradziusaram prajekta, a taksama syhraje ŭ im adnu z rolaŭ, paviedamlaje The Sun.
Zdymki sieryjała, jaki atrymaŭ nazvu Day 1s, užo pačalisia. Častka scen zdymajecca na stadyjonie anhlijskaha kłuba «Barniet» u paŭnočna-zachodnim Łondanie. Hałoŭnuju rolu vykonvaje viadomy brytanski akcior Demijen Ljuis, jaki ŭvasobić vobraz vydumanaha futbolnaha ahienta Stenli Dałtana.
Pavodle źviestak krynic, da prajekta taksama dałučycca były francuzski futbalist Ćjery Anry, jaki niekali byŭ adnym z hałoŭnych sapiernikaŭ Ranałdu ŭ anhlijskaj Premjer-lizie.
U asnovu siužetu pakładzienaja ideja futbolnaha ahienta Darena Dejna, jaki pradstaŭlaje intaresy Anry. Stvaralniki adznačajuć, što paśla čempijanatu śvietu cikavaść da brytanskaha futboła, asabliva ŭ ZŠA, značna ŭzrasła. Novy sieryjał raźličany na mižnarodnuju aŭdytoryju i spałučaje dramu z elemientami humaru.
Prajekt stvaraje studyja UR Marv Studios, jakuju Ranałdu zasnavaŭ razam ź viadomym brytanskim režysioram Mećju Vonam, aŭtaram filmaŭ Kingsman i Kick-Ass. Akramia Ljuisa, u sieryjale zdymucca brytanski repier Dave i maładaja aktrysa Karłota Banat.
Mećju Von raniej zajaŭlaŭ, što choča razam z Ranałdu stvarać novyja historyi ŭžo nie na futbolnym poli, a ŭ kino. Sam futbalist nazvaŭ udzieł u kinaprajektach novym zachaplalnym etapam svajho žyćcia.
U 2026 hodzie 41‑hadovy Ranałdu praciahvaje futbolnuju karjeru: jon vystupaje za saudaŭski kłub «An-Nasr», zastajecca kapitanam zbornaj Partuhalii i adnačasova raźvivaje ŭłasnyja prajekty ŭ śfiery kino i zabaŭ.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary