Pra śmierć viadomaha biełaruskaha skulptara Siarhieja Łohvina paviedamili jahonyja siabry ŭ sacsietkach. Jamu było 67 hadoŭ.
Siarhiej Łohvin naradziŭsia 28 maja 1959 hoda ŭ Minsku. U 1974—1978 hadach vučyŭsia ŭ Minskim mastackim vučyliščy, a ŭ 1981—1987 hadach — u Biełaruskim teatralna-mastackim instytucie.
Siarod jaho vykładčykaŭ byli Anatol Arcimovič, Hienadź Muramcaŭ i Andrej Anikiejčyk. Dypłomnaj pracaj skulptara staŭ manumientalny tvor, pryśviečany vajennapałonnym, rasstralanym u hady Vialikaj Ajčynnaj vajny.
Paśla zakančeńnia instytuta Łohvin pracavaŭ vykładčykam na kafiedrach malunka, žyvapisu i skulptury. Jon taksama ŭznačalvaŭ skulpturnuju siekcyju Biełaruskaha sajuza mastakoŭ. U mastackich vystavach udzielničaŭ z 1985 hoda.
Łohvin pracavaŭ u žanrach manumientalnaj, stankovaj i miemaryjalnaj skulptury. Asnoŭnyja materyjały, jakija jon vykarystoŭvaŭ, — hranit i bronza. Siarod jaho viadomych rabot — pomnik padpolščykam, dekaratyŭnyja dźviery Čyrvonaha kaścioła ŭ Minsku, kampazicyi «Jeŭropa», «Jeva», «Partret siabra», «Pieśnia», «Adam i Jeva», «Strašny sud», a taksama reljef «Paparać-kvietka» dla Nacyjanalnaj biblijateki Biełarusi.
Skulptar stvaryŭ taksama pomniki na brackich mahiłach u Hancavičach i Arančycach Pružanskaha rajona. U Słonimie Łohvin razam ź Ivanam Misko i Uładzimiram Pipinym pracavaŭ nad pomnikam vialikamu hietmanu VKŁ Lvu Sapiehu.
Siarhiej Łohvin byŭ łaŭreatam premii Fiederacyi prafsajuzaŭ Biełarusi.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary
[Zredahavana]