U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior
Tolki ŭ hetym mai siastru Vieraniku i maci Łukierju vypuścili z-pad varty na chatniuju chimiju. A Viktoryja i Nastaśsia Mironcavy raniej adbyli termin u kałonii za nibyta «hvałt nad milicyjantam».
Dźmitryju Juranu 39 hadoŭ. Jon rodam z Fanipala. Skončyŭ Biełaruski dziaržaŭny ekanamičny ŭniviersitet.
Apošnim viadomym miescam jahonaj pracy była kampanija, što vyrablała i pradavała fasadnuju lapninu i zajmałasia konturnaj rezkaj ź pienapłastu — vyrablała łahatypy, litary, navahodnija ŭpryhožańni, elemienty ŭpakoŭki. Mužčyna zajmaŭ tam pasadu mieniedžara.
Dźmitryj i Viktoryja pabralisia šlubam letaś.
Dniami Dźmitryja Jurana zatrymali. Nakolki viadoma, pa kryminalnaj spravie. Akaličnaści zatrymańnia i spravy nieviadomyja.
Heta ŭžo nie pieršy kryminalny prysud u siamji Mironcavych. U žniŭni 2020 hoda siostry Viktoryja i Nastaśsia zastupilisia za ludziej padčas žorstkich zatrymańniaŭ la staličnaha Pałaca sportu. Za heta paźniej jany atrymali realnyja terminy ŭ kałonii: Viktoryju asudzili na dva z pałovaj hady źniavoleńnia, a Nastaśsiu — na dva hady. Abiedźvie dziaŭčyny całkam adbyli pakarańnie i vyjšli na volu ŭ 2022 hodzie.
Jašče adna siastra, Alaksandra, ratujučysia ad mahčymaha aryštu, paśpieła źjechać za miažu.
Maci Łukierja Mironcava, jakaja ŭžo na piensii, i jaje dačka Vieranika, siastra-bliźniuk raniej asudžanaj Viktoryi, zastavalisia ŭ Minsku. U kancy 2025 hoda siłaviki pryjšli i za imi. U mai 2026‑ha žančynam prysudzili pa try hady chatniaj chimii za «sadziejničańnie ekstremisckaj dziejnaści» i vypuścili ź SIZA.
«Naša Niva» — bastyjon biełaruščyny
PADTRYMAĆ
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary
I etot, staryj, sipatyj pień, prodołžajet sipieť ab narotie i vyražať ozabočiennosť ob nizkoj roždajemosti narotom.
Tak narot, v osnovnom, po tiuŕmam i povyhnan iz Biełarusi, i v osnovnom mołodyje.
Prostitie, no, kak mohut roždaťsia biełarusy v usłovijach etnocida i riepieśsii ???
Dažie tie, koho nie kosnułoś siehodnia, dumajut, čto kośniotsia zavtra, zapišut v ekstriemisty, tierroristy, v priedatieli łukašienok (tak, v uzakoniennom biezzakonii łukašienko-švieda, ponimajetsia Rodina).
Kak, v takich usłovijach, zavodiť sieḿju i płanirovať roždienije riebionka ?
>Etnocid i rieprieśsii łukašienko protiv biełarusov !
Heta ž Łuka sam asabista represuje, viadoma