У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр
Толькі ў гэтым маі сястру Вераніку і маці Лукер’ю выпусцілі з-пад варты на хатнюю хімію. А Вікторыя і Настасся Міронцавы раней адбылі тэрмін у калоніі за нібыта «гвалт над міліцыянтам».
Дзмітрыю Юрану 39 гадоў. Ён родам з Фаніпаля. Скончыў Беларускі дзяржаўны эканамічны ўніверсітэт.
Апошнім вядомым месцам ягонай працы была кампанія, што вырабляла і прадавала фасадную ляпніну і займалася контурнай рэзкай з пенапласту — вырабляла лагатыпы, літары, навагоднія ўпрыгожанні, элементы ўпакоўкі. Мужчына займаў там пасаду менеджара.
Дзмітрый і Вікторыя пабраліся шлюбам летась.
Днямі Дзмітрыя Юрана затрымалі. Наколькі вядома, па крымінальнай справе. Акалічнасці затрымання і справы невядомыя.
Гэта ўжо не першы крымінальны прысуд у сям'і Міронцавых. У жніўні 2020 года сёстры Вікторыя і Настасся заступіліся за людзей падчас жорсткіх затрыманняў ля сталічнага Палаца спорту. За гэта пазней яны атрымалі рэальныя тэрміны ў калоніі: Вікторыю асудзілі на два з паловай гады зняволення, а Настассю — на два гады. Абедзве дзяўчыны цалкам адбылі пакаранне і выйшлі на волю ў 2022 годзе.
Яшчэ адна сястра, Аляксандра, ратуючыся ад магчымага арышту, паспела з'ехаць за мяжу.
Маці Лукер'я Міронцава, якая ўжо на пенсіі, і яе дачка Вераніка, сястра-блізнюк раней асуджанай Вікторыі, заставаліся ў Мінску. У канцы 2025 года сілавікі прыйшлі і за імі. У маі 2026‑га жанчынам прысудзілі па тры гады хатняй хіміі за «садзейнічанне экстрэмісцкай дзейнасці» і выпусцілі з СІЗА.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Кайлас, я іду». Што за беларуска знікла ў жудасным селі ў Непале6
Каментары
И этот, старый, сипатый пень, продолжает сипеть аб нароте и выражать озабоченность об низкой рождаемости наротом.
Так нарот, в основном, по тюрьмам и повыгнан из Беларуси, и в основном молодые.
Простите, но, как могут рождаться беларусы в условиях этноцида и репессии ???
Даже те, кого не коснулось сегодня, думают, что коснётся завтра, запишут в экстремисты, террористы, в предатели лукашенок (так, в узаконенном беззаконии лукашенко-шведа, понимается Родина).
Как, в таких условиях, заводить семью и планировать рождение ребёнка ?
>Этноцид и репрессии лукашенко против беларусов !
Гэта ж Лука сам асабіста рэпрэсуе, вядома