27 žniŭnia pravaabaroncy pryznali palitviaźniami jašče 16 čałaviek. Ahulnaja kolkaść ludziej, jakija na siońnia pryznanyja ŭ Biełarusi palitviaźniami, składaje 889 čałaviek.
U śpis palitźniavolenych dadali nastupnyja proźviščy:
Alena Aršanskaja, Raman Basałaj, Maksim Bialkievič, Viktar Huryn, Dźmitryj Zamiraŭ, Maksim Kuprejčyk, Viktoryja Laŭkoŭskaja, Valeryj Mielnikaŭ, Łarysa Novikava, Andrej Ślesarenka, Hienadź Tarynski, Juryj Fiłamienka, Palina Frałova, Alaksandr Čukovič, Vadzim Žarabiłaŭ i Dzianis Hołubieŭ.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 889 čałavieki. Apošnim časam ahulnaja ich kolkaść istotna nie raście i navat źmianšajecca, časam zaŭvažna. Ale heta nie tamu, što represii ŭ Biełarusi źmianšajucca, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Niekatorych vyzvalajuć i pa pamiłavańniach, u tym liku pry pasiarednictvie ZŠA, choć na ich miesca niaspynna nabirajuć novych viaźniaŭ. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ bolšaja. Pra niekatorych pravaabaroncam prosta ničoha nie viadoma.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ43
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1616
Kamientary