U minułyja vychadnyja ŭ Viciebsku prajšła art‑akcyja «Vulica UNOVISa»: na ścianie doma, što raźmiaščajecca na rahu vulic Lenina i Praŭdy, źjaviŭsia pavialičany eskiz raboty Kazimira Maleviča, stvoranaj im u 1919 hodzie.
Nad rośpisam doma pracavali viciebskija mastaki Alena Čujkova, Andrej Duchoŭnikaŭ i Alaksandr Vyška. Budynak, jaki pieradaje duch 20‑ch hadoŭ minułaha stahodździa, raźmieščany niedaloka ad byłoha Viciebskaha narodnaha mastackaha vučylišča, jakim kiravaŭ Mark Šahał.
Jak paviedamiła dyrektar viciebskaha Centra sučasnaha mastactva Valancina Kiryłava, heta ŭžo treci suprematyčny rośpis u Viciebsku. U pieršy raz, u 1920 hodzie, da śviatkavańnia 1 Maja vučniami Viciebskaha narodnaha mastackaha vučylišča byŭ raśpisany budynak hetaj navučalnaj ustanovy, jaki raźmiaščaŭsia na vulicy Bucharynskaj, 10. U druhi raz rośpis u styli Maleviča źjaviŭsia ŭ 80‑ia hady minułaha stahodździa. Tady jaho ažyćciavili členy tvorčaha abjadnańnia «Kvadrat».
Art‑akcyja prajšła ŭ miežach śviatkavańnia Dnia horada Viciebska.
