Adzin z padazravanych u atacy na aeraport Lejpcyha — mužčyna ź Biełarusi
Paśla incydentu ź bieśpiłotnikam z vybuchoŭkaj u aeraporcie Lejpcyha 4 žniŭnia śledčyja vyśvietlili asoby dvuch padazravanych.
Dron z vybuchoŭkaj znajšli ŭ noč na 5 žniŭnia kala paŭdniovaj uźlotna-pasadačnaj pałasy aeraporta Lejpcyh/Hale — pablizu ŭkrainskaha transpartnaha samalota. Śpiecyjalisty abiasškodzili pryładu, nichto nie paciarpieŭ.
Na čas apieracyi abiedźvie pałasy aeraporta zakryvali, niekalki rejsaŭ pieranakiravali.
Asoby dvuch padazravanych ustanavili niamieckija śledčyja, paviedamlajuć Süddeutsche Zeitung, NDR i WDR. Pavodle danych hetych vydańniaŭ, havorka idzie pra vychadca z Rasii z łatvijskim pašpartam i mužčynu ź Biełarusi z rasijskim pašpartam. Inšyja padrabiaznaści pra mužčyn i ich rolu ŭ padrychtoŭcy ataki pakul nie raskryvajucca.
Ministr unutranych spraŭ Hiermanii Alaksandr Dobrynt 1 vieraśnia zajaviŭ, što za sprobaj napadu staić Maskva.
«Palicejskaje rasśledavańnie, charaktar złačynstva i źviestki raźviedki dakazvajuć adkaznaść Rasii za sprobu napadu ŭ aeraporcie Lejpcyha», — skazaŭ jon.
Aeraport Lejpcyh/Hale — adzin z najvažniejšych hruzavych avijacyjnych vuzłoŭ Jeŭropy. Jon taksama vykarystoŭvajecca dla pieravozki vajskovych hruzaŭ i dapamohi Ukrainie, tamu niamieckija ŭłady razhladajuć zdareńnie jak mahčymuju rasijskuju hibrydnuju apieracyju. Rasija svaju datyčnaść admaŭlaje.
Ciapier čytajuć
Ź psichbalnicy źbieh były načalnik Hancavickaj milicyi13
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
My biełarusy, z bratniaju Ruśsiu
Razam šukali k ščaściu daroh.
Ŭ bitvach za volu, ŭ bitvach za dolu.
Ź joj zdabyli my ściah pieramoh!
Jaki nacyjanalny praekt budavali, to j atrymali.