U Rasii zatrymali mierkavanaha napadnika na hienierała stratehičnaj avijacyi
U Astrachanskaj vobłaści zatrymali 21‑hadovaha hramadzianina Małdovy, jakoha padazrajuć u zamachu na vysokapastaŭlenaha rasijskaha vajskoŭca pad Enhielsam. FSB śćviardžaje, što za zabojstva jamu paabiacali 70 tysiač dalaraŭ. Niezaležnaha paćviardžeńnia hetaj viersii niama.
Pra zatrymańnie Mikałaja Koču paviedamili FSB i Śledčy kamitet Rasii. Pavodle ich viersii, mužčynu zavierbavała ŭ sacyjalnych sietkach ukrainskaja śpiecsłužba. U sakaviku 2026‑ha jon nibyta prajšoŭ padrychtoŭku ŭ Kijevie, a ŭ červieni praz trecija krainy pryjechaŭ u Rasiju.
Rasijskaje śledstva śćviardžaje, što ranicaj 3 vieraśnia ŭ pasiołku Prabudžeńnie Enhielskaha rajona Koču nie mienš za šeść razoŭ streliŭ u rasijskaha vajskoŭca. Paśla napadu jon uciok na matacykle.
Rasijskija orhany nie nazyvajuć imia vajskoŭca, kažučy tolki, što jon naležyć da vyšejšaha kamandnaha składu Ministerstva abarony. Nivodnaha zdymka ź miesca zdareńnia nie było apublikavana.
Raniej telehram-kanały paviedamlali, što achviaraj zamachu staŭ hienierał-major Mikałaj Varpachovič — kamandzir 22‑j hvardziejskaj ciažkaj bambardzirovačnaj avijacyjnaj dyvizii. Aficyjnaha paćviardžeńnia hetaj infarmacyi niama.
Rasijskaje śledstva zajaŭlaje, što vajskoviec vyžyŭ dziakujučy svoječasovaj miedycynskaj dapamozie i jaho žyćciu ničoha nie pahražaje.
Spravu rasśledujuć pavodle artykułaŭ ab zamachu na zabojstva i niezakonnym abarocie zbroi.
22‑ia avijacyjnaja dyvizija bazujecca ŭ Enhielsie. U jaje skład uvachodzić połk stratehičnych bambardziroŭščykaŭ Tu-95MS, zdolnych nieści kryłatyja rakiety Ch-101.
Ukrainskaje śledstva ličyć, što Varpachovič addaŭ zahad nanieści 1 sakavika 2022 hoda rakietny ŭdar pa kijeŭskaj televiežy. Tady zahinuli piać mirnych žycharoŭ, u tym liku 12‑hadovaja dziaŭčynka, jašče šeść čałaviek byli paranienyja.
Ciapier čytajuć
Ź psichbalnicy źbieh były načalnik Hancavickaj milicyi13
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary