«My apiaredžvajem Kitaj». Tramp vystupiŭ suprać zapavoleńnia raspracoŭki štučnaha intelektu
Na jaho dumku, amierykanskija kampanii nie pavinny ryzykavać prajhrać Kitaju honku za pieršynstvo ŭ śfiery ŠI.
«My apiaredžvajem Kitaj u ŠI. My — samaja pieradavaja kraina ŭ śviecie, i, ščyra kažučy, ja chacieŭ by, kab my takoj i zastavalisia, bo pieramoža toj, chto pieramoža ŭ ŠI», — skazaŭ prezident ZŠA žurnalistam u niadzielu, piša Bi-bi-si.
«My možam uvieści bolš mier zaściarohi. My možam zrabić roznyja rečy. Ale ja dumaju, što tut u nas jość šmat vielmi destruktyŭnych sił, jakija padymajuć pytańni, jakich jany nie pavinny padymać, i zakranajuć pytańni, jakija nie ŭvasobiacca ŭ realnaść», — dadaŭ Tramp.
Jon nie staŭ udakładniać, pra jakija mienavita «destruktyŭnyja siły» idzie havorka.
Kamientar prezidenta ZŠA prahučaŭ paśla zakliku kiraŭnika kampanii Anthropic Daryjo Amadei zapavolić raspracoŭku madelaŭ ŠI, kab padrychtavacca da pahroz, jakija jany mohuć stvarać.
Pry hetym Tramp zajaviŭ, što jon «nie prynižaje značeńnie» ryzyk i pahroz, jakija mohuć zychodzić ad ŠI, ale ličyć, što štučny intelekt pryniasie značna bolš karyści, čym škody.
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary