Łukašenka: Heta fejk, što my sadžajem u dva razy bolej palitviaźniaŭ, čym vypuskajem
Jon čarhovy raz zajaviŭ, što nibyta nijakich palitviaźniaŭ u Biełarusi niama, piša BiełTA.
«Džon, i jašče adna zaŭvaha. Vielmi šmat razmoŭ było pierad našaj z vami tut sustrečaj nakont vyzvaleńnia, jak vy ich nazyvajecie, palitviaźniaŭ. Chacia ja jašče raz zaklikaju vas da taho, kab my nie ŭvodzili siabie ŭ zman. Nijakich palitviaźniaŭ u Biełarusi niama, bo niama takoha artykuła ŭ našym zakanadaŭstvie. Ale pra heta vielmi šmat havorać: pra vyzvaleńnie ludziej, jakija (vy jak juryst, advakat heta vydatna razumiejecie) pavodle zakona znachodziacca pad śledstvam abo ŭ papraŭča-pracoŭnych kałonijach», — skazaŭ Łukašenka.
«Ja padvodžu vas da hałoŭnaj temy. Našy ŭciekačy raskručvajuć temu na Zachadzie i vas, adčuvaju, pavodle maich źviestak, pierakanali ŭ tym, što my kahości tut adpuskajem, ale, praciahvajučy represii, na hetaje miesca ŭdvaja bolš zatrymlivajem ludziej. Ja chaču publična vam skazać, što heta absalutnaja niapraŭda», — skazaŭ Łukašenka.
Pavodle padlikaŭ «Viasny», zaraz u źniavoleńni znachodzicca 912 palitviaźniaŭ, akurat siońnia pravaabaroncy pryznali takimi 11 čałaviek.
Apošniaje masavaje vyzvaleńnie palitviaźniaŭ adbyłosia ŭ sakaviku 2026 hoda. Tady vyjšli na svabodu 250 čałaviek. Za nastupnyja paŭhoda status palitviaźnia atrymali jašče 224 čałavieki.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Heta niapraŭda, Džon. Ja, kak prezizdient, atvietstvienna zajaŭlaju, što my zatrymlivajem na hetaje miesca ŭtraja bolš ludziej.
I, darečy, jašče stolki ž sadžajem na chimiju.
Ja jamu vieru, astajecca paniać, mienavita ŭ čym tut niapraŭda? Tam suadnosiny adzin na adzin, ci adzin na try?