Cichanoŭskaja ŭ Jeŭraparłamiencie zaścierahła ES ad źniaćcia sankcyj z Rasii i Łukašenki
29 vieraśnia ŭ Brusieli Śviatłana Cichanoŭskaja vystupiła na druhim Forumie parłamienckaj demakratyi Jeŭrapiejskaha sajuza. U svajoj pramovie Cichanoŭskaja zakranuła pahrozy, ź jakimi sutykajecca demakratyja, zamiežnaje ŭmiašańnie i dezynfarmacyju.
Mierapryjemstva arhanizavała prezidentka Jeŭraparłamienta Rabierta Mietsoła pry padtrymcy vice-prezidentaŭ Kataryny Barli i Estebana Hansalesa Ponsa. U Forumie ŭdzielničajuć deputaty nacyjanalnych parłamientaŭ, pradstaŭniki hramadzianskaj supolnaści i mižnarodnych arhanizacyj.
Śviatłana Cichanoŭskaja havaryła pra rolu hramadzianskaj supolnaści, padtrymku Ukrainy i biełaruskich demakratyčnych sił, a taksama pra nieabchodnaść zachoŭvać cisk na režymy Alaksandra Łukašenki i Uładzimira Pucina i ŭmacoŭvać ustojlivaść jeŭrapiejskich hramadstvaŭ.
Cichanoŭskaja adznačyła, što ŭ demakratyčnych krainach časam moža ŭźnikać spakusa damovicca z dyktatarami. Na jejnuju dumku, adnak, nielha ŭsprymać sastupki jak sposab damahčysia doŭhaterminovych vynikaŭ, bo dyktatary mohuć rascanić ich jak słabaść.
Jana zaklikała praciahvać sankcyi suprać Rasii i Łukašenki, ale adnačasova ŭmacoŭvać hramadstva i demakratyčnyja instytuty. Pavodle Cichanoŭskaj, adnoj vajskovaj mocy dla abarony demakratyi niedastatkova — nieabchodnyja taksama ludzi, hatovyja abaraniać svaje kaštoŭnaści.
Biełaruskaja demakratyčnaja lidarka taksama zaklikała jeŭrapiejskija demakratyi nie ŭsprymać svabodu jak niešta harantavanaje, padtrymlivać hramadzianskuju supolnaść i demakratyčnyja instytuty, a taksama praciahvać dapamohu Ukrainie.
Cichanoŭskaja pakazała, jak trenirujecca ŭ trenažorcy VIDEA
Paśla sustrečy ź Cichanoŭskaj premjer Słavienii zhadaŭ Biełaruś z trybuny Hienasamblei AAN
Cichanoŭskaja pabačyłasia ŭ Ńju-Jorku z «dziciom Biełarusi» Kianu Ryŭzam
Cichanoŭskaja sustrełasia ŭ Ńju-Jorku z Majkam Pampiea, jaki ŭ 2020‑m pryjazdžaŭ da Łukašenki
Kamientary