Zialona Hura — nievialiki horad na zachadzie Polščy — u červieni pryciahnuŭ uvahu ŭsioj krainy. Pryčynaj hetamu staŭ krok prezidenta horada (mera) Januša Kubickaha.
Pan Januš paspryjaŭ adkryćciu u horadzie akvacentra i kab niejak azdobić novy spartovy abjekt, vyrašyŭ zamović u miascovaj mastački skulpturnuju kampazicyju.
Maładaja mastačka — Ahnieška Volskaja — zamovu vykanała i pierad budynkam novaha akvacentra paŭstała kampazicyja ŭ vyhladzie mužčyny i žančyny, jakija vykonvajuć atletyčnyja praktykavańni.
Na zadumu pani Volskaj, atlety byli aholenymi. Taki mastacki krok i vyklikaŭ abureńnie prezidenta Kubickaha. Pabačyŭšy na ŭračystym adkryćci skulptur mužčynski čeles, Ja.Kubicki zahadaŭ skulptarcy jaho prybrać. Ahnieška Volskaja pahadziłasia, adnak historyja z kastracyjaj skulptury chutka trapiła ŭ polskija centralnyja ŚMI.
Kubicki niečakana pračnuŭsia znakamitym, adnak viadomaść hetaja była i zastajecca dla jaho nie zusim žadanaj. Paśla mnostva kpinaŭ prezident Zialonaj Hury vyrašyŭ viarnuć čeles na miesca. I navat pačaŭ razdavać intervju, u jakim admaŭlaŭ svoj udzieł u kastracyi pradmieta mastactva. Adnak pozna. Jaho dalejšaja palityčnaja karjera budzie nierazryŭna źviazanaja z kastracyjaj skulptury.
-
Illa Šynkarenka: Prosta pryjšoŭ i skazaŭ baćkam, što ciapier razmaŭlaju na biełaruskaj movie
-
Biełaruskija litaratary siońnia ŭ Dzień rodnaj movy praviaduć dyktoŭki
-
«Ździek z tvora Uładzimira Siamionaviča». Hledačy ŭ šoku ad premjer pa Karatkieviču ŭ RTBD i Homielskim moładzievym teatry, nie ŭsie dasiedžvajuć
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ30
Kamientary