Zhodna z ukazam Łukašenki №330 praciahvajecca radykalnaja pierabudova histaryčnaha centra Miensku. U rajonie HUMa planujecca ciapier uźvieści vialiki kulturna-zabaŭlalny kompleks z parkinham i... akvaparkam. Zvacca jon budzie «Novyj Cientr XXI viek».
Zhodna z ukazam Łukašenki №330 praciahvajecca radykalnaja pierabudova histaryčnaha centra Miensku.
U rajonie HUMa planujecca ciapier uźvieści vialiki kulturna-zabaŭlalny kompleks z parkinham i... akvaparkam. Zvacca jon budzie «Novyj Cientr XXI viek». Užo stvoranaje admysłovaje AAT na čale z Alaksandram Nasienkam. Arhanizacyja, što jon ačoliŭ, jość ciapier, zhodna z pastanovaju Mienharvykankamu, hieneralnym zamoŭcam detalovaje planiroŭki kvartała ŭ miežach praspekta Skaryny (Niezaležnaści), vulicaŭ Lenina, Internacyjanalnaj i Kamsamolskaj.
Raniej tut byŭ zamožny klaštar benedyktynak z kaściołam Śviatych Schalastyki j Vojcacha. Paźniej u hetym chramie, pieraroblenym na pravasłaŭny kapył, była abvieščanaja aŭtakiefalija Biełaruskaje pravasłaŭnaje carkvy. U 1969-m hety chram razam sa staraśvieckim klaštaram uzarvali. U 1970-ja hady jahonyja padmurki daśledavaŭ Zianon Paźniak.
Abapał staradaŭnich ruinaŭ i ćvintara klašatru benedyktynak stajać ciapier budynki kinateatra «Pieramoha», prakuratury j niekalki starych kamianičak.
Pavodle słovaŭ dyrektara AAT «Novyj Cientr XXI viek», rašeńnie ab pačatku budoŭli budzie pryniataje paśla zaćviardžeńnia planiroŭki kvartała. Viadoma, što ŭ im raźmieściacca vialiki šmatuzroŭnievy parkinh, boŭlinh-klub, hatel, bar, kaviarnia, handlovyja pradpryjemstvy i akvapark. Hety vyklučny prajekt, pavodle sp. Nasienki, maje być acenieny ŭ 10-25 miljonaŭ dalaraŭ. Na restaŭracyju ci ŭznaŭleńnie zdabytkaŭ mienskaha dojlidztva vydatkavańnie hetkich hrošaj nie pradbačycca.
❏
Kamientary