Suśvietny bank padpisaŭ z uładami Biełarusi pahadnieńnie nakont kredytu pamieram $42,5 miljona realizacyi prajekta pa utylizacyi ćviordych bytavych adkidaŭ i ab vydzialeńni hranta Hłabalnaha ekałahičnaha fondu na $ 5 miljonaŭ dla utylizacyi stojkich arhaničnych zabrudžvalnikaŭ .
$37 młn z dadzienaha kredytu buduć nakiravany na budaŭnictva ŭ Hrodnie śmiećciepierapracoŭčaha zavoda mahutnaściu 120 tysiač ton,praduhledžana realizacyja prajekta «pad kluč» i ŭvod zavoda ŭ ekspłuatacyju da 2014 hoda. Heta budzie całkam miechanizavanaja sartavalnaja vytvorčaść z metaj vymańnia ź ćviordych bytavych adchodaŭ druhasnaj syraviny. Na druhoj stadyi prajekta płanujecca stvareńnie mahutnaściaŭ pa spalvańni častki adchodaŭ, jakaja nie moža być vykarystana jak druhasnaja syravina.
Staŭka pa dadzienym kredycie nie pieravysić 1,3% hadavych.
Hrant Hłabalnaha ekałahičnaha fondu budzie nakiravany na vyvaz i ŭtylizacyju za miežami Biełarusi 810 ton adkidaŭ.Pa słovach śpiecyjalistaŭ, tender pa vybary kampanii, zdolnaj ŭtylizavać hetyja adchody, Minpryrody płanuje zaviaršyć u vieraśni hetaha hoda. Zaraz zajaŭki na ŭdzieł u tendery padali 8 firmaŭ, pryjarytet budzie addazieny kampanijam z Hiermanii, Šviecyi, Danii i Francyi.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary