Kabančuk: Kolkaść biełarusaŭ, jakija zahinuli za Rasiju, moža ŭžo nabližacca da afhanskich strat
Pavodle jaho źviestak, u rasijskaje vojska zavierbavalisia bolš za 3000 biełarusaŭ. I bolš za 500 ź ich zahinuli.
Biełarusaŭ, jakija vajujuć na baku Rasii suprać Ukrainy, stanovicca ŭsio bolš. Pra heta zajaviŭ pradstaŭnik Abjadnanaha pierachodnaha kabinieta pa pytańniach abarony i nacyjanalnaj biaśpieki Vadzim Kabančuk u intervju biełaruskaj słužbie Polskaha radyjo.
«Na žal, my majem statystyku, što kolkaść biełaruskich najmitaŭ, jakija iduć na tak zvanuju SVA, pavialičvajecca. Byli dadzienyja na leta hetaha hoda, što ŭžo bolš za 3000 biełarusaŭ zavierbavalisia ŭ rasijskaje vojska», — skazaŭ Kabančuk.
Pavodle jaho słoŭ, da leta zahinuli bolš za 500 ź ich. Kabančuk adznačyŭ, što intensiŭnaść bajavych dziejańniaŭ z taho času vyrasła na 40%, tamu straty, mahčyma, užo nablizilisia da kolkaści biełarusaŭ, zahinułych za dziesiać hadoŭ vajny ŭ Afhanistanie, ci navat pieravysili jaje. Za toj čas zahinuli kala 770 uradžencaŭ Biełarusi.
«80% traplaje adrazu ŭ šturmavuju piachotu. I dla bolšaści ź ich pieršy ž bajavy vychad źjaŭlajecca apošnim», — skazaŭ jon.
Jašče niekalki dziasiatkaŭ znachodziacca va ŭkrainskim pałonie.
Pavodle Kabančuka, na dopytach pałonnych vyśvietliłasia, što pieravažnaja bolšaść pajšła na vajnu dziela hrošaj. Šmat u kaho jość sudzimaść, u niekatorych nie adna. Pa ideałahičnych pierakanańniach, pavodle jaho acenki, pajšli kala 10%.
Najčaściej, pavodle Kabančuka, viarbujuć biełaruskich pracoŭnych mihrantaŭ u Rasii. Im abiacajuć zarobki, jakich jany nie atrymali b za hod na budoŭli, pracu kiroŭcam ci ŭ łahistycy.
Kabančuk taksama źviarnuŭ uvahu na toje, što ŭ Biełarusi pa-roznamu staviacca da tych, chto vajuje na roznych bakach. Dobraachvotnikaŭ, jakija vajujuć za Ukrainu, zavočna asudžajuć na 10—20 hadoŭ. Sam jon atrymaŭ zavočna 20 hadoŭ.
«Toj, chto vajavaŭ na baku Rasii, viarnuŭsia spakojnieńka i žyvie sabie», — skazaŭ Kabančuk.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary
U centry Miensku jašče pastaviać pomnik pa bajcach SVO, jak pastavili "Vostraŭ śloz" pa aŭhancach. Voś što turbuje narod: Vialikaja Ajčynnaja, Aŭhan, SVO.
A nie hetyja vašyja polskija paŭstańni dy Aršanskija bitvy.