Jakich impartnych tavaraŭ u biełaruskich kramach najbolš, a jakich niama zusim?
Za dzieviać miesiacaŭ 2026 hoda najbolšuju dolu impartnych tavaraŭ u prodažach biełaruskich kram składali śviežaja sadavina i arechi, ryba i raślinny alej. Biełaruskija vytvorcy, u svaju čarhu, daminujuć u prodažach jajek, miasa i harodniny, vynikaje z apublikavanych źviestak Biełstata.
Z pačatku hoda da kanca vieraśnia dola impartu ŭ prodažach śviežaj sadaviny i arechaŭ dasiahnuła 88,3%. U rybie jana skłała 85,1%, a ŭ raślinnym alei — 84,9%.
Značnaja dola impartnych tavaraŭ taksama ŭ inšych katehoryjach. Na impartnyja krupy prypadała 59,5% prodažaŭ, na jabłyki — bolš za 55%, na makaronu — 43,3%, na šakaład i kandytarskija vyraby z kakavy — 41,6%. Dola impartnaha dziciačaha charčavańnia skłała amal 33%.
Biełaruskija tavary całkam zajmajuć roźničny rynak jajek: ich dola ŭ prodažach za dzieviać miesiacaŭ skłała 100%. Bolš za 99% prypadaje na biełaruskija pradukty ŭ katehoryjach masła i rapsavaha aleju, a taksama harełki. U bolšaści siehmientaŭ miasnoj pradukcyi i miasnych kansiervaŭ dola ajčynnych tavaraŭ składaje ad 90% da 99%.
Biełstat taksama apublikavaŭ danyja pra fizičnyja abjomy roźničnych prodažaŭ. Za apošnija 12 miesiacaŭ biełarusy kupili prykładna na 19% bolš miasnych kansiervaŭ, na 17,1% bolš ałkaholnych likioraŭ, na 15,6% bolš cukru i na 14,6% bolš aharodninnych kansiervaŭ i sokaŭ. Prodažy repčataj cybuli i rybnych kansiervaŭ pavialičylisia amal na 11%.
U cełym pa vynikach vieraśnia fizičnyja abjomy roźničnych prodažaŭ charčovych praduktaŭ u asnoŭnym vyraśli ŭ paraŭnańni z anałahičnym pieryjadam minułaha hoda.
Najbolšaje padzieńnie zafiksavali ŭ prodažach pładovych vinaŭ — na 17,4%. Prodažy suchich dziciačych sumiesiaŭ i kaš źmienšylisia amal na 7%.
Kamientary