U viaskoŭca zhareŭ dom, jaho samoha paśla pažaru špitalizavali. Pakul jon lačyŭsia, adnaviaskoŭcy dvojčy abakrali jaho chatu
U 40‑hadovaha žychara Dziatłaŭskaha rajona adna biada išła za druhoj. Paśla pažaru jon nadoŭha trapiŭ u balnicu, a pakul lačyŭsia, ź jahonaha paškodžanaha doma dvojčy vynosili rečy. Pavodle milicyi, abodva razy heta rabili adnaviaskoŭcy. Ale kožny raz roznyja.
Pažar zdaryŭsia ŭ pačatku lutaha. Dom častkova abhareŭ, a haspadar atrymaŭ traŭmy i musiŭ doŭha lačycca, paviedamlaje milicyja Hrodzienskaj vobłaści.
Uviesnu, pakul mužčyna byŭ u balnicy, z doma skrali bienzapiłu. Pavodle milicyi, da kradziažu mieŭ dačynieńnie 69‑hadovy adnaviaskoviec. Jaho zatrymali.
Ale nieŭzabavie ŭ paŭrazburany dom naviedaŭsia jašče niechta. Hetym razam źnikli smartfon, kavamołka i 30 pačkaŭ cyharet.
Pavodle milicyi, rečy zabraŭ užo inšy čałaviek — 52‑hadovy žychar toj ža vioski. Jamu pahražaje da čatyroch hadoŭ pazbaŭleńnia voli.
Śviatłana Cichanoŭskaja pra krytyku z boku Cichanoŭskaha: Mnie ad hetaha vielmi kryŭdna i niepryjemna40
Kamientary