Piša kapitan milicyi Siarhiej Šatrun.
Piša namieśnik kamandzira bataljona milicyi Frunzienskaha (h. Minska) adździeła Departamienta achovy MUS kapitan milicyi Siarhiej Šatrun.
«Nie kraviec, a z nažnicami»
Čarhovy raz nam pradstaviłasia mahčymaść pierakanacca, što dziakujučy pilnaj słužbie i apieratyŭnamu reahavańniu naradaŭ milicyi, što dziažurać na vulicach horada, paśpiachova realizujecca pryncyp niaŭchilnaści pakarańnia za ździejśnienyja złačynstvy. Vyklučeńniem nie staŭ i niadaŭni vypadak na vulicy Sucharaŭskaj, dzie prosta tak, z chulihanskich pamknieńniaŭ, małady čałaviek išoŭ i drapaŭ nažnicami mašyny, pryparkavanyja ŭ dvarach. Bačačy, što ŭsio heta moža zastacca biespakaranym, adzin z žycharoŭ susiedniaha doma patelefanavaŭ u milicyju. Užo praz 3 chviliny dziažurny narad hrupy zatrymańnia Frunzienskaha adździeła achovy ŭ składzie praparščyka milicyi Harsiesa Leanela i praparščyka milicyi Kucharenki Viktara byŭ na miescy. Atrymaŭšy prykmiety złačyncy, narad milicyi staŭ adpracoŭvać prylehłuju terytoryju. Na prypynku hramadskaha transpartu byŭ zaŭvažany padobny pa prykmietach małady čałaviek, jaki, ubačyŭšy milicejskuju mašynu, pasprabavaŭ schavacca, zaskočyŭšy ŭ padjechały tralejbus. Adnak užo na nastupnym prypynku chulihan byŭ zatrymany, pry asabistym dahladzie ŭ jaho byli znojdzienyja nažnicy, a śviedka paznaŭ u im złačyncu.
Pa dadzienym fakcie Frunzienskim RUUS raspačataja kryminalnaja sprava pa č.1 art.339 (złosnaje chulihanstva) KK Respubliki Biełaruś.
«Bieražycie svoj horad»
Čystyja, dahledžanyja vulicy zaŭsiody radujuć voka. Ale niekatoryja hramadzianie da hetaha času nie navučylisia šanavać i padtrymlivać pryhažość u rodnym horadzie: to kłumby abarvuć, to na ścienach što-niebudź napišuć.
Mienavita taki małady čałaviek, mabyć, nie znajšoŭšy hodnaha prymianieńnia svajoj sile, sprabujučy pierad siabrami pakazać svaju zuchavataść, raźbiŭ udaram kułaka škło prypynku hramadskaha transpartu. Adnak dziakujučy dziažurnamu naradu hrupy zatrymańnia Frunzienskaha adździeła achovy ŭ składzie praparščyka milicyi Turskaha Eduarda i siaržanta milicyi Babajeva Maksima małady čałaviek byŭ zatrymany. Charakterna, što jon byŭ vielmi ździŭleny, nakolki chutka prybyŭ narad milicyi. Miarkujučy pa ŭsim, spadziavaŭsia, što jaho ŭčynak nie budzie pakarany.
Ciapier jamu pahražaje salidny štraf i lačeńnie paškodžanaj ruki.
Pa dadzienym fakcie Frunzienskim RUUS raspačataja kryminalnaja sprava pa č.1 art.339 (złosnaje chulihanstva) KK Respubliki Biełaruś.
«Bajalisia zabłukać»
Ni dla koha nie sakret, što efiektyŭnaść raskryćcia vuličnych złačynstvaŭ šmat u čym vyznačajecca pracaj pa haračych śladach. Vyrašalnuju rolu ŭ hetym adyhryvajuć apieratyŭnyja i prafiesijnyja dziejańni naradu milicyi, jaki prybyvaje na miesca złačynstva. 6 lipienia 2010 narad milicyi Frunzienskaha adździeła achovy ŭ składzie staršyny milicyi Karpoviča Juryja i staršaha siaržanta milicyi Alaksandrava Mikałaja nios słužbu pa vulicach Minska. Užo da kanca źmieny pastupiŭ sihnał, što na kancavym prypynku aŭtobusa stancyi Ždanovičy ździejśnieny kradziež z pryparkavanaha aŭtamabila. Pa prybyćci da miesca zdareńnia da milicyjantaŭ źviarnuŭsia śviedka, jaki raskazaŭ, što dvoje mužčyn spačatku krucilisia kala pryparkavanych mašyn, a zatym, raźbiŭšy bakavoje škło adnoj ź ich, ździejśnili kradziež, pakłaŭšy vykradzienaje ŭ čorny pakiet. Atrymaŭšy prykmiety złačyncaŭ, supracoŭniki milicyi pačali adpracoŭvać prylehłuju terytoryju. Dziakujučy pryniatym mieram byli vyjaŭlenyja i zatrymanyja padobnyja pa prykmietach dvoje maładych ludziej, u jakich pry asabistym dahladzie i znajšli vykradzieny z aŭtamabila GPS-navihatar.
Jak vyśvietliłasia paźniej, zatrymanyja byli nieadnarazova sudzimyja, a značyć, ździajśniać takija złačynstvy im nie ŭpieršyniu. I kali b nie prafiesijnyja dziejańni naradu milicyi, naŭrad ci heta złačynstva było b apošnim na ich rachunku.
Pa dadzienym fakcie Frunzienskim RUUS raspačataja kryminalnaja sprava pa č.2 st.205 (kradziež) KK Respubliki Biełaruś.
«Voś tabie i budaŭničy bum»
Patrulujučy vulicy horada, narad adździeła achovy atrymaŭ ukazańnie ad dziažurnaha terminova vybyć na vuł. Hareckaha, 05/02 – adbyvajecca kradziež budmateryjałaŭ. Pa prybyćci hrupy zatrymańnia ŭ składzie praparščyka milicyi Saroki Fiodara i staršaha siaržanta milicyi Sajeviča Juryja ŭdałosia ŭstanavić, što na terytoryi budavanaha abjekta sapraŭdy adbyvajecca kradziež. Što charakterna, kraŭ armaturu z budavanaha abjekta armaturščyk toj ža budaŭničaj arhanizacyi, što ŭzvodziła budynak. Ciapier užo były rabočy (darečy, raniej sudzimy za kradziež) razam z pakul jašče nieviadomym hramadzianinam sprabavaŭ zahruzić asabisty aŭtamabil armaturaj z budoŭli amal na miljon rubloŭ.
Pa dadzienym fakcie Frunzienskim RUUS raspačataja kryminalnaja sprava pa č.1 st.205 (kradziež) KK Respubliki Biełaruś.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary