Film maje vyjści ŭ efir u piatnicu, 16 lipienia, a 18.30 pavodle minskaha času. Ale ŭžo źjaviŭsia ŭ internecie.
Pieršy film «Chrosny baćka» vyjšaŭ u efir NTV 4 lipienia. U filmie imia Alaksandra Łukašenki źviazanaje sa źniknieńniami jahonych palityčnych spabornikaŭ u Biełarusi, a taksama vykazana šmat inšaj krytyki adnosna kiraŭnika Biełarusi. U Biełarusi jaho pierakryli, ale nie mienš za 100 tysiač čałaviek pabačyli jaho na niezaležnych sajtach i ŭJu-Tubie .Druhi film praciahvaje liniju pieršaha.
Pavodle teleprahramy na sajcie NTV, film maje vyjści ŭ efir u piatnicu, 16 lipienia, a 18.30 pavodle minskaha času. U anonsie film rekłamujuć tak: «Što jašče vy chacieli viedać pra Łukašenku, ale saromielisia spytać?!»
Film, niahledziačy na hučnyja rekłamnyja zakliki, nie ŭražvaje.
NTV, natchnionyja pośpiecham pieršaha filma, vyrašyła pakazać toje ž kino, tolki dapoŭnienaje.Častki filma pra źnikłych biełaruskich palitykaŭ, małodšaha prezidenckaha syna Kolu i $52 miljarda rasijskich hrošaj, uziatyja z užo pakazanaj viersii. Inšym, bolš spakojnym, staŭ tolki hołas dyktara.
Z «navinak» — ustaŭki pra prezidenta Hruzii Saakašvili, byłoha prezidenta Kyrhyzstana Bakijeva i rasijskaha aliharcha Bierazoŭskaha. Rasija praź film NTV aburajecca novym łukašenkaŭskim siabroŭstvam i niekalki razoŭ pravodzić paraleli — maŭlaŭ, z Łukašenkam zdarycca kirhizski varyjant.
Pra toje havoryć i ananimny supracoŭnik KDB, źniaty sa śpiny. Praŭda, hety nibyta supracoŭnik čamuści nazyvaje Biełaruś «Biełoruśsijej», što vyklikaje mocnyja sumnievy ŭ jaho realnaści.
Siarod novych «piersanažaŭ» źjaviŭsia staršynia arhkamitetu Partyi pracy Alaksandr Buchvostaŭ, jaki kamientuje situacyju z kantraktnaj sistemaj u Biełarusi. Astatnija ŭdzielniki pieradačy zastalisia raniejšymi — Kazulin, Labiedźka, Statkievič i Jarašuk. Pryčym
jak i raniej, Kazulinu advodzicca hałoŭnaja rola.
Kamientary