+ dadałosia poŭnaje videa ź Ju-tjub
«Chrosny baćka»: siensacyjny film NTV. Videa
Stužku «Chrosny baćka» ŭ Biełarusi pierakryli.
Stužku «Chrosny baćka» ŭ Biełarusi pierakryli.
Na rasijskim kanale NTV napiaredadni samita ŭ Kazachstanie kiraŭnikoŭ dziaržaŭ Rasiei, Biełarusi i Kazachstana pakazali dakumientalny film, poŭny źniščalnaj krytyki prezidenta Łukašenki. Film nazvali «Chrosny baćka».
Filmu papiaredničali tytry pra toje, što kino pavinna było vyjści jašče hod tamu, ale śpiecsłužby Biełarusi tady skanfiskavali kasiety.Ale, maŭlaŭ, ciapier niejkija badzioryja ludzi vyrvali kasiety z łap KDB i pieradali žurnalistam. Dalej pačałosia vykryćcio Łukašenki.
U filmie biełaruski lider pakazany jak žorstki, biespryncypovy, iłžyvy čałaviek. Było raskazana historyja pra toje, jak jon zabraŭ syna i vyhnaŭ svaju «kachanku Irynu Abielskuju». Słova «kachanka» było naŭprost skazana ŭ efiry telekanała, taksama pakazali maci Iryny.Kadry z małodšym synam Mikałajem byli padabrany z tym, kab prademanstravać nieadekvatnaść biełaruskaha lidera. Tezis pra nieadekvatnaść taksama prahučaŭ u efiry.
NTV sabrała ŭsie praŭdzivyja cytaty Łukašenki: i pra Skarynu ŭ Piciery, i pra vieršy Bykava, i pra Hitlera, jaki «źjadnaŭ nacyju».
NTV padniała taksama ŭsie historyi ab źnikłych ludziach. Aŭtary filma nie namiakali, a adkryta vinavacili kiraŭnika Biełarusi ŭ hetych źniknieńniach i vykradańniach. Padrabiazna raskazali pra toje, jak prynižajecca i źniščajecca apazicyja ŭ Biełarusi.
Aŭtary raspaviali pra toje, kolki Rasieja zapłaciła za režym u Biełarusi, pra zatračanyja na padtrymku Łukašenki 55 miljardaŭ dalaraŭ.Pry hetym jaho malavali zdradnikam, jaki choča ciapier hetakža padmanuć Jeŭropu. U intervju NTV viadomy prakramloŭski palityk Kanstancin Zatulin zahavaryŭ pra toje, što padobnaja palityka Łukašenki abaviazkova pryviadzie da revalucyi ŭ krainie i źniščeńnia ciapierašniaj kirujučaj elity.
Voś film, padzieleny na čatyry frahmienty, u Ju-Tjubie.
Film całkam možna spampavać tutaka na narod.ru.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary