Maładafrontaviec Cianiuta i ŭ vojsku znajšoŭ mahčymaść abrazić prezidenta
U vojsku aktyvistu Maładoha Fronta Andrusiu Cianiutu pahražajuć kryminalnaj adkaznaściu za abrazu prezidenta i dziaržaŭnych simvałaŭ Biełarusi.
Andruś Cianiuta, jaki ciapier słužyć u Viciebskaj vajskovaj častcy vajenna-pavietravaj abarony, zapisaŭ u sšytku pa ideałahičnaj pracy, što nacyjanalnymi simvałami Biełarusi źjaŭlajucca bieł-čyrvona-bieły ściah i Pahonia. Junak zakanśpiektavaŭ taksama mierkavańnie pra nielehitymnaść ułady Łukašenki. Natatki chłopca pabačyŭ pałkoŭnik Pavieł Jakaŭlevič Piščułaŭ i adrazu vypisaŭ junaku try narady pa-za čarhoj. Ciapier kiraŭnictva častki pahražaje maładafrontaŭcu kryminalnymi spravami za abrazu dziaržaŭnych simvałaŭ i prezidenta Biełarusi. Pałkoŭnik abiacaŭsia vypisać navat prakurorskaje papiaredžańnie.
«Abrazy nijakaj nie było, — ličyć Andruś Cianiuta. — Pa-pieršaje, pa zakonie praduhledžvajecca adkaznaść mienavita za publičnuju vykazvańni. Pa-druhoje, Łukašenka i sam zajaŭlaŭ ab falsifikacyi vybaraŭ».
Pavieł Jakaŭlevič, jak namieśnik kamandzira bryhady pa ideałahičnaj pracy, daŭ zadańnie kantralavać kožnaha hościa, z kim la KPP bačycca Andruś. U vusnaj formie pałkoŭnik pryhraziŭ adpuścić Andrusia ŭ adpačynak tolki pierad dziembielem.
Aproč taho, chłopiec sustrakajecca z dyskryminacyjaj biełaruskaj movy na kiraŭničym uzroŭni. Dniami namieśnik kamandzira bataljona kapitan Chilko za biełaruskuju kamandu «Zvažaj!» zahadaŭ Andrusiu uvieś čas prybirać u naradzie tualety. Kapitan Chilko, takim čynam choča navučyć Andrusia razmaŭlać pa-rasijsku.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary