N.R.M. u Stakholmie

26 vieraśnia 2006 h. a 21:30 u prestyžnaj zali Stakholmu «Elverket» ź vialikim pośpiecham prajšoŭ kancert zorki biełaruskaha roku – N.R.M. Zala była poŭnaja. Siarod słuchačoŭ byli švedy, biełarusy roznaha vieku: ad pradstaŭnikoŭ staroj dyjaspary da mienskaj moładzi, što hadavałasia na muzycy Lavona Volskaha i śpiavała razam. Try maładyja biełarusački pryjechali na kancert admysłova ź Londanu. Abviestka pra kancert N.R.M. źjaviłasia ŭ bujniejšaj štodzionnaj hazecie Stakholmu «Stockholm City».

Kancert adbyŭsia jak zakančeńnie biełaruskaha teatralnaha tydnia, što zładziŭ Nacyjanalny Dramatyčny Teatar Švecyi. Biełaruski prajekt teatar Švecyi pačaŭ ŭ 2005 h. Skončycca jon, pavodle aficyjnaha sajtu teatru, «kali stanovišča ŭ Biełarusi źmienicca z dyktatarskaha na demakratyčnaje». Sioleta na praciahu dvuch dzion mienski Volny Teatar pakazvaŭ svaje pastanoŭki stakholmskaj publicy. Spektakli išli ŭ synchronnym pierakładzie ź biełaruskaj na švedzkaju movu.

Na kancercie N.R.M. słuchačom prapanavali prahramku z tekstami najbolš viadomych śpievaŭ hurtu na švedzkaj movie – pierałažyŭ ich u švedzkuju ambasadar Švecyi ŭ Miensku Sp.Stefan Eryksan. Viali kancert Lavon Volski i Pit Paŭłaŭ; a toj fajna pierakładaŭ zaŭvahi Lavona na anhielskaju movu (pryncypovaja zaŭvaha: «Belarusian» vymaŭlajecca pa anhielsku jak «biełarusijan», a nie «biełarašyan», bo prymietnik pachodzić ad słova Biełaruś, ale nie «Biełarašya»).

Aprača N.R.M., u kancercie ŭziała udzieł Rusia – fantastyčnaja śpiavačka z hurtu Indyha ź pieśniaj «Čystaja, śvietłaja». Lavon vykanaŭ na bis svaje chity, miž inšym, «Lehkija-Lohkija», i novuju filazofskuju pieśniu «Minsk-Miensk». Panavała śviatočnaja atmasfera, łunali nacyjanalnyja ściahi. Švedzkija pradusery zaznačyli, što žadajuć zaprasić N.R.M. znoŭ.

Pierad kancertam Volski i Rusia dali interviju Radyjo Švecyi. Lavon, miž inšym, zaznačyŭ: «U majoj krainie moładź zmahajecca za niešta značna bolš surjoznaje, čymsia zachodni moładzievy ruch suprać Makdonaldsa». Rusia na pytańnie pra zvyčajnaje žyćcio ŭ Biełarusi zaznačyła, što vonkava ŭsio vyhladaje narmalova. U adkaz na debilnaść i marazm aficyjnaha palityčnaha i tvorčaha stanu talenavityja i niezaležnyja ludzi Miensku stvaryli svaje hurtki i supołki, jakija dajuć iluziju, «što ty nibyta žyvieš ŭ narmalnaj krainie Eŭropy, ale... heta tolki iluzija».

Fota Julii Daraškievič

• 0
• 0
• 0
• 0
• 0
• 0
• 0
• 0