U «Biełaruśkalii» nie paćvierdzili infarmacyju ab pieramovach z rasijskim miljarderam Kierymavym
Pra cikavaść rasijskaha miljardera da kupli akcyj «Biełaruśkalija» 28 lipienia paviedamili rasijskija «Viedomosti».
U «Biełaruśkalii» nie paćvierdzili infarmacyju ab pieramovach z rasijskim miljarderam Sulejmanam Kierymavym adnosna prodažu akcyj kampanii. Jak zajavili BiełaPAN na pradpryjemstvie, «pra zacikaŭlenaść Kierymava ŭ kupli akcyj stała viadoma sa ŚMI, peŭnaj infarmacyi nakont hetaha niama».
Pra cikavaść rasijskaha miljardera da kupli akcyj «Biełaruśkalija» 28 lipienia paviedamili rasijskija «Viedomosti». Jak zajaviła vydańniu krynica, blizkaja da adnaho z akcyjanieraŭ «Urałkalija» (kantrolny pakiet naležyć Kierymavu), miljarder niadaŭna sustrakaŭsia z Alaksandram Łukašenkam i ad imia «Urałkalija» prapanavaŭ kupić kantrolny pakiet «Biełaruśkalija». Pavodle infarmacyi krynicy, za 51% pradprymalnik prapanavaŭ 7,5 młrd. dołaraŭ.
Supracoŭnik dziaržbanka, ź jakim biźniesmien vioŭ pieramovy ab finansavańni takoj ździełki, zajaviŭ «Viedomostiam», što Kierymaŭ sapraŭdy cikavicca kuplaj akcyj «Biełaruśkalija». Ale razmova nie idzie pra nabyćcio kantrolnaha pakieta.
Pavodle jaho słoŭ, biełarusy vielmi doraha aceńvajuć «Biełaruśkalij» — u 20–30 młrd. dołaraŭ.
Raniej pieršy
Razam z tym pieršy
Analityk «Banka Moskvy» Juryj Vołaŭ u intervju BiełaPAN zajaviŭ,
što zajaŭleny košt «Biełaruśkalija», kali paraŭnoŭvać biełaruskaje pradpryjemstva z anałahičnymi aktyvami, davoli vysoki.«Pa mahutnaściach «Biełaruśkalij» u 1,5 razu bolšy za rasijski «Urałkalij». Uvieś pakiet akcyj rasijskaha vytvorcy ŭhnajeńniaŭ niadaŭna byŭ acenieny ŭ 10 młrd. dołaraŭ. Adpaviedna 100% akcyj «Biełaruśkalija» pavinny kaštavać 15 młrd. dołaraŭ», — padkreśliŭ ekśpiert.
U liku asnoŭnych pakupnikoŭ akcyj «Biełaruśkalija» nazyvajuć kitajski chołdynh Sinofert i kampaniju China Blue Chemicar.
Ciapier čytajuć
Što Babaryka i Kaleśnikava adkazali na pytańni pra vajnu79
Kamientary