Niaklajeŭ: Kampanija «Havary praŭdu!» budzie praciahnuta
Pra heta jon zajaviŭ, kamientujučy ŭčarašniaje rašeńnie Haspadarčaha suda Minska pa «Ruchu napierad»
Kampanija «Havary praŭdu!» budzie praciahnuta ŭ lubym vypadku. Pra heta ŭ intervju BiełaPAN zajaviŭ lider kampanii, paet Uładzimir Niaklajeŭ, kamientujučy ŭčarašniaje rašeńnie Haspadarčaha suda Minska ŭ dačynieńni dadaśledča-aśvietnaj ustanovy «Ruch napierad», dyrektaram jakoj jon źjaŭlajecca.
Jak paviedamlałasia raniej, 29 lipienia sudździa Andrej Alaškievič zadavoliŭ isk Minharvykankama, pryznaŭšy dahavor arendy pamiaškańnia ŭstanovy «Ruch napierad» u TAA «Cina Vłaci» «nikčemnym», što daje jurydyčnuju asnovu dla likvidacyi «Ruchu napierad».
Treba adznačyć, što 7 lipienia hety ž sudździa nie zadavoliŭ isk Minharvykankama ab pazbaŭleńni dziaržaŭnaj rehistracyi «Ruchu napierad». Harvykankam zapatrabavaŭ pryznać rehistracyju «Ruchu napierad» niesapraŭdnaj u suviazi z pradstaŭleńniem «zaviedama niepraŭdzivych źviestak», jakija tyčacca dahavora ab arendzie pamiaškańnia.
U Niaklajeva vyklikajuć nieŭrazumieńnie dziejańni sudździ Alaškieviča. «Spačatku jon prymaje rašeńnie ab tym, što «Ruch napierad» pracuje ŭ adpaviednaści z zakanadaŭstvam, što ŭsie dakumienty ab rehistracyi aformlenyja pravilna. A praź niekatory čas jon vynosić supraćlehłaje rašeńnie na padstavie adnych i tych ža dakumientaŭ», — skazaŭ lider kampanii.
«Štodzień adbyvajucca dziesiatki, sotni vypadkaŭ, kali pad ciskam vyšejšych instancyj sudździ, čynoŭniki mianiajuć svaje rašeńni, — dadaŭ Niaklajeŭ. — Idzie praces maralnaha razłažeńnia hramadstva, i ja pajšoŭ u palityku, kab pasprabavać jaho praduchilić».
«Ułady robiać usio, kab spynić našu dziejnaść. Admiena rehistracyi zrobić jaje niezakonnaj, za što praduhledžana kryminalnaja adkaznaść», — zaŭvažyŭ Niaklajeŭ.
Jon paviedamiŭ, što rašeńnie Haspadarčaha suda Minska budzie abskardžanaje ŭ vyšejšaj instancyi. U vypadku admieny rehistracyi «Ruchu napierad» vyjście adno — zarehistravać novuju arhanizacyju. «My zajmalisia hetym pytańniem jašče da sudovych pasiadžeńniaŭ, pakolki dapuskali nie lepšaje dla nas raźvićcio padziej», — skazaŭ palityk.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary