Karcina «Sołt» z Andžalinaj Džoli ŭ roli ahientki źjaviłasia akurat padčas špiehaŭskaha skandału.
ZŠA, 2010, kalarovy, 100 chv.
Režysior: Filip Nojs
Roli vykonvajuć: Andžalina Džoli, Liŭ Šrajbier, Čyŭeteł Edžyafor, Daniel Albrychski, Aŭhust Dzil
Žanr: Špiehaŭski tryler, bajavik
Adznaka: 6 (z 10)
Evielin Sołt — supracoŭnica CRU, jakoj daviarajuć. Ale schopleny ruski ahient zajaŭlaje, što Sołt — zakanśpiravany krot. I zadača Sołt — zabić ruskaha prezidenta, jaki haściuje ŭ Amierycy. Adlik pajšoŭ.
Karcina Filipa Nojsa z Andžalinaj Džoli ŭ roli ahientki źjaviłasia akurat padčas špiehaŭskaha skandału, kali ŭ ZŠA była vykrytaja rasiejskaja sietka kratoŭ-amataraŭ. Fihurantku skandału Hannu Čepmen navat zaprašali na premjeru filmu ŭ Maskvu skłaści kampanii Andžalinie. Špiehaŭka nie pryjechała.
Zatoje ŭ nas jość mahčymaść acanić kinažarści, źniatyja ŭ smačnych tradycyjach chałodnaj vajny. Akrabatyčnyja bojki, skački na mašynach, trylernyja kryki «mianie padstavili» — dobra viadomyja hledaču.
Zatoje pryhažunia-aktrysa, jakaja vietliva raskidyvaje hranaty; futravaja šapka na Andžalinie — novyja niezabyŭnyja kadry.Biuścik Lenina, piarścionak ź piacikancovaju zoračkaj (dla pacałunku), lazo ŭ pantoflach Daniela Albrychskaha — kinapryjemnaści ad starych vorahaŭ.
I ŭsio heta — u šalnym tempie vysokabiudžetnaha tryleru, dzie abaviazkova vyratoŭvajuć ceły śviet.
Jakija rasiejskija ahienty-amatary? Zabudźcie, u fantazijnym Halivudzie staŭki praŭdziviejšyja.
Darečy, kolišniaja žonka Filipa Nojsa — taksama Čepmen.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary