Źmicier Daškievič abvieścić haładoŭku, kali jamu nie pieradaduć Biblii
Jašče raz nahadvaju pra maju žyćciovuju trahiedyju – Biblii, jakija mnie nie žadajuć pieradavać. Treba razabracca, bo ja tut pišu niejkija zvaroty, a jany ich, pa chodu, i nie čytajuć navat. I vo što ja prydumaŭ – kali administracyja nie pieradaje mnie Biblii, ja abviašču haładoŭku, dy i chaj sami dumajuć. Dośvied u mianie jość. Da sudu daciahnu...
U svaich listach z Vaładarki lider «Maładoha frontu» Źmicier Daškievič piša:
«Jašče raz nahadvaju pra maju žyćciovuju trahiedyju – Biblii, jakija mnie nie žadajuć pieradavać. Treba razabracca, bo ja tut pišu niejkija zvaroty, a jany ich, pa chodu, i nie čytajuć navat. I vo što ja prydumaŭ – kali administracyja nie pieradaje mnie Biblii, ja abviašču haładoŭku, dy i chaj sami dumajuć. Dośvied u mianie jość. Da sudu daciahnu.
Ja jašče padumaŭ, moža skarhu na ich jakuju napisać u našyja ministerstvy i ABSE z-za Biblijaŭ i taho, što mnie nie pieradajuć pa piać dzion listy. Voś 27-ha pryjšli za 21-ha, 23-ha i 26-ha. Jany ich tam prosta źbirajuć i raz na tydzień čytajuć. Siońnia atrymaŭ 6 listoŭ. Navat Burakoŭ z Maŭzeram adpisali z Varšavy. Kali budzieš mieć ź imi suviaź, vykazvaj maje słovy padziaki.
Siońnia ŭžo 1 kastryčnika. Čas idzie chutka. Siońnia pryśniŭ iznoŭ svoj sud. Značycca tak – prakuror prosić paŭhodu aryštu, a sudździa daje štraf :) Vo takija prykoły. Chacia ja tut da sudu, adčuvaju, pryśniu ŭsie varyjanty raźvićcia padziejaŭ :)
Bačyš, tut siadžu ŭžo jak doma, byccam by j na voli nikoli nie byvaŭ, ale duša irviecca na svabodu.
Vykazvaju vialikija padziaki ŭsim za padtrymku. Vielmi dapamahaje j ŭmacoŭvaje vašaja salidarnaść.
Abdymaju. Budziem praryvacca».
Kamientary