ViertalotMi-8 MNS Biełarusi siońnia ranicaj pačaŭ tušyć lasnyja pažyry ŭ Tamboŭskaj vobłaści Rasii, paviedamili ŭ Ministerstvie pa nadzvyčajnych situacyjach.
«Siońnia ŭ 7.15 viertalot zastupiŭ na bajavoje dziažurstva pa tušeńniu lasnych pažaraŭ u Tamboŭskaj vobłaści», — udakładnili ŭ MNS, dadaŭšy, što tudy jon prybyŭ z padmaskoŭnaha aeradroma Ramienskaje, dzie znachodziŭsia z 5 žniŭnia i nie moh vylacieć
Dapamohu ŭ tušeńni pryrodnych pažaraŭ u Rasii akazvaje taksama zvodny atrad MNS Biełarusi ŭ składzie 25 adzinak śpiectechniki i 150 čałaviek asabovaha składu. Atrad padzieleny na 9 hrup, jakija zadziejničany ŭ tušeńni lasnych pažaraŭ u Spaskim, Razanski, Klepikaŭskim rajonach Razanskaj vobłaści. Kožnyja sutki baraćbu z ahniom viaduć 140 biełaruskich ratavalnikaŭ na bolš jak 20 śpiecaŭtamabilach. Jany pracujuć u dźvie źmieny kruhłyja sutki.
Za čas raboty ŭ Rasii našy ratavalniki patušyli 28 lasnych i 4 tarfianyja pažary, 18 uzharańniaŭ travy i kustoŭ na ahulnaj płoščy 25 ha. Tolki za minułyja sutki padraździaleńniami MNS Biełarusi likvidavany 13 lasnych i 2 tarfianyja pažyry, a taksama 10 uzharańniaŭ travy i kustoŭ na ahulnaj płoščy 20 ha. Dla baraćby z pažarami davodzicca prymianiać navat takija sposaby tušeńnia, jak sustrečny ahoń. «Kab ahoń nie dasiahnuŭ nasielenaha punkta, ratavalniki samastojna vypalvajuć suchuju raślinnaść, i połymia nie raspaŭsiudžvajecca dalej», — rastłumačyli ŭ MNS.
Ciapier čytajuć
«Čakajem u Minsku +1 słavutaść!» Błohieraŭ pryvieźli ŭ byłuju turmu na Vaładarskaha19
Kamientary