Mikałaja Aŭtuchoviča rychtujuć da pieravodu ŭ 13-y atrad ivacevickaj kalonii № 22. Jak paviedamiŭ pravaabaronca i juryst Aleh Voŭčak, heta pavinna adbycca najbližejšymi dniami.
Vaŭkavyski pradprymalnik, jaki pryhavorany da piaci hadoŭ pazbaŭleńnia voli, byŭ etapavany ŭ ivacevickuju kaloniju (Bieraściejskaja vobłaść) sa śledčaha izalataru № 1 Mienska 23 lipienia. Uvieś hety čas jon znachodzicca ŭ karantynie.
Pavodle infarmacyi Voŭčaka, adrazu paśla pieravodu ŭ atrad Aŭtuchoviča pavinien ahledzieć lekar kalonii. "Paśla budzie razhladacca pytańnie ab pratezavańni zuboŭ Aŭtuchoviču za miežami kalonii", — skazaŭ pravaabaronca.
Jak paviedamlałasia raniej, Aŭtuchovič praciahły čas biezvynikova damahaŭsia akazańnia jamu medyčnaj dapamohi ŭ spravie pratezavańnia zuboŭ. Z 16 pa 22 červienia jon pravodziŭ haładoŭku, patrabujučy medyčnaj dapamohi. U vyniku da viaźnia byli dapuščany specyjalisty-stamatolahi, jakija jaho abśledavali i pryznali nieabchodnaść pratezavańnia. Aŭtuchovič i jaho abarona nastojvali na tym, kab pratezavańnie pravodziłasia ŭ Miensku, spasyłajučysia na toje, što ŭ stalicy bolš vysoki ŭzrovień medyčnaj absłuhoŭvańnia.
6 traŭnia Viarchoŭny sud Biełarusi pryhavaryŭ Aŭtuchoviča da piaci hadoŭ i dvuch miesiacaŭ pazbaŭleńnia voli z adbyvańniem pakarańnia ŭ kalonii strohaha režymu. Jon pryznany vinavatym u pieravozcy i zachoŭvańni piaci patronaŭ da palaŭničaj vintoŭki.
Pravaabaroncy ličać Aŭtuchoviča i inšych asudžanych pa hetak zvanaj kryminalnaj spravie vaŭkavyskich pradprymalnikaŭ palitviaźniami, zhadvajučy pra surjoznyja pracesualnyja parušeńni padčas sudu.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś17
Kamientary