Prajekt biudžetu na 2011 hod viečaram 2 vieraśnia pastupiŭ u Pałatu pradstaŭnikoŭ, paviedamili ŭpres-słužbie nižniaj pałaty parłamienta.
U Pałatu pradstaŭnikoŭ taksama pastupili prajekt zakona «Ab biudžecie dziaržaŭnaha pazabiudžetnaha Fondu sacyjalnaj abarony nasielnictva Ministerstva pracy i sacyjalnaj abarony» i papraŭki ŭ Padatkovy i Biudžetny kodeksy.
6 vieraśnia ŭ nižniaj pałacie parłamienta pavinna adbycca pašyranaje pasiadžeńnie kamisii pa biudžecie, finansach i padatkovaj palitycy, na jakim budzie razhledžany prajekt biudžetu. Na nastupny dzień dakumient budzie razhledžany ŭ pieršym čytańni na pazačarhovaj siesii.
Usie čatyry zakonaprajekty Saviet Pałaty pradstaŭnikoŭ 31 žniŭnia ŭklučyŭ u paradak dnia pazačarhovaj siesii. Staršynia pałaty Uładzimir Andrejčanka tady paviedamiŭ, što deputaty sumiesna z uradam aktyŭna pracujuć nad prajektam biudžetu. Jon padkreśliŭ, što paśla pastupleńnia prajekta biudžetu ŭ parłamient źmieny ŭ im, chutčej za ŭsio, naŭrad ci buduć istotnymi, bo dakumient uzhodnieny z prezidentam, i «na 99% biudžet nie źmienicca».
Kamientary