Праект бюджэту на 2011 год вечарам 2 верасня паступіў у Палату прадстаўнікоў, паведамілі ўпрэс-службе ніжняй палаты парламента.
У Палату прадстаўнікоў таксама паступілі праект закона «Аб бюджэце дзяржаўнага пазабюджэтнага Фонду сацыяльнай абароны насельніцтва Міністэрства працы і сацыяльнай абароны» і папраўкі ў Падатковы і Бюджэтны кодэксы.
6 верасня ў ніжняй палаце парламента павінна адбыцца пашыранае пасяджэнне камісіі па бюджэце, фінансах і падатковай палітыцы, на якім будзе разгледжаны праект бюджэту. На наступны дзень дакумент будзе разгледжаны ў першым чытанні на пазачарговай сесіі.
Усе чатыры законапраекты Савет Палаты прадстаўнікоў 31 жніўня ўключыў у парадак дня пазачарговай сесіі. Старшыня палаты Уладзімір Андрэйчанка тады паведаміў, што дэпутаты сумесна з урадам актыўна працуюць над праектам бюджэту. Ён падкрэсліў, што пасля паступлення праекта бюджэту ў парламент змены ў ім, хутчэй за ўсё, наўрад ці будуць істотнымі, бо дакумент узгоднены з прэзідэнтам, і «на 99% бюджэт не зменіцца».
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары