U svajoj historyi biełarusy i słaviency sustrakalisia dvojčy i abodva razy była zafiksavanaja ničyja 1:1. Biełarusam, kab praciahnuć baraćbu za pucioŭku ŭ Švajcaryju i Aŭstryju treba było terminova pieramahać futbalistaŭ z bałkanskaj krainy. I našy chłopcy da ichniaha honaru spravilisia z hetaj zadačaj.
Zbornaja Biełarusi pravalna pačała adboračnuju kampaniju da Eŭra-2008. U troch matčach našy hulcy zmahli ŭziać tolki adzin punkt, zhulaŭšy doma ŭničyju z albancami i biez varyjantaŭ sastupiŭšy ŭ haścioch jaŭnym favarytam hrupy halandcam i rumynam. Słaviency taksama pačali nie achvoci, prajhraŭšy baŭharam i pieraadoleŭšy niamohłych luksemburžcaŭ.
Na siońniašni dzień abiedźvie zbornyja prykładna adnaho ŭzroŭniu. U svajoj historyi biełarusy i słaviency sustrakalisia dvojčy i abodva razy była zafiksavanaja ničyja 1:1. Biełarusam, kab praciahnuć baraćbu za pucioŭku ŭ Švajcaryju i Aŭstryju treba było terminova pieramahać futbalistaŭ z bałkanskaj krainy. I našy chłopcy da ichniaha honaru spravilisia z hetaj zadačaj.
Na siamnaccataj chvilinie hulni lik adkryŭ Dzianis Koŭba, jaki litaralna prapichnuŭ miač u sietku ź ličanych metraŭ ad varot, ale nie paśpieli biełarusy jak śled adznačyć hoł, jak Bošcian Cesar udaram hałavoj vyraŭnoŭvaje lik. Biełarusy vidavočna sastupali ŭ baraćbie z supiernikam na druhim paviersie. Na pieradapošniaj chvilinie pieršaha tajmu Klemien Łaŭryč taksama hałavoj vyvodzić haściej napierad.
U pierapynku Jury Puntus, vidać, zmoh znajści patrebnyja słovy dla svaich hulcoŭ. Jany vyjšli na druhi tajm zaradžanyja na baraćbu. Asabliva heta było zaŭvažna na prykładzie Siarhieja Karnilenki. Forvard dnieprapiatroŭskaha «Dniapra» ciaham piatnaccaci chvilinaŭ aformiŭ dubl. Biełaruś pačała vyjhravać 3:2.
Apošnija chviliny hulni byli padobnyja da arelaŭ, kali pieravaha mahła schilicca ŭ luby bok. Słaviency trapili ŭ štanhu. A biełarusy zabili. Na 85 chvilinie ŭdar Uładzimiera Karyćki sa štrafnoha byŭ trapny. 4:2 - taki vynik zafiksavaŭ śvistok hałoŭnaha sudździ matča. Biełarusy sioleta atrymali pieršuju pieramohu.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»6
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary