U Litaraturnym muziei Maksima Bahdanoviča ŭ Minsku 6 kastryčnika adkryłasia vystava vycinanki Viačasłava Dubinki. U ekspazicyi pradstaŭleny 32 tvory mastaka roznych hadoŭ.
Staršynia Biełaruskaha sajuza majstroŭ narodnaj tvorčaści Jaŭhien Sachuta adznačyŭ, što ŭsich, chto pryjšoŭ na vystavu, sabrała pamiać pra cudoŭnaha majstra, jaki niadaŭna pajšoŭ u lepšy śviet. Pavodle jaho słoŭ, Dubinka staŭ nastaŭnikam dla vialikaha atrada majstroŭ vycinanki, jakim moža hanarycca kraina. «I ŭsie hetyja majstry śviadoma ci nieśviadoma abapiralisia na nabytki Dubinki — na jaho stylistyku, dasiahnieńni i charaktar rabot», — skazaŭ Sachuta.
Jon adznačyŭ, što Dubinka pačynaŭ pracavać tady, kali vycinanku viedali redkija entuzijasty i śpiecyjalisty ŭ halinie narodnaj kultury. «I naŭrad ci jon padazravaŭ, što nastanie taki čas, kali hety kaliści papularny, a potym całkam zabyty vid mastackaj tvorčaści znoŭ uzydzie na arenu i zojmie svaje pačesnaje miesca siarod sučasnych vidaŭ mastackaj tvorčaści», — dadaŭ Sachuta.
Pavodle słoŭ mastaka Uładzimira Basałyhi,
žyćcio Dubinki — prykład, čaho moža damahčysia čałaviek svajoj upartaj pracaj.
Basałyha miarkuje, što karani tvorčaści majstra — u pošukach pryhažości jaho maci, jakaja ŭ ciažkija paślavajennyja hady brała zvyčajnuju hazietu i nažnicami vycinała ŭzory na vakno.
Mastak Alaksiej Maračkin nazvaŭ Dubinku «kłasikam narodnaha mastactva», jaki byŭ univiersalnym tvorcam — siabram čatyroch sajuzaŭ: žurnalistaŭ, piśmieńnikaŭ, narodnych majstroŭ i mastakoŭ, chacia i nie mieŭ vyšejšaj mastackaj adukacyi.
Piśmieńnik Uładzimir Arłoŭ ličyć tvorčaść Dubinki cudam, a pasoł Šviecyi ŭ Biełarusi Stefan Eryksan — unikalnaj źjavaj biełaruskaj kultury.
Vystava pracuje da 29 kastryčnika.
Kamientary