У Літаратурным музеі Максіма Багдановіча ў Мінску 6 кастрычніка адкрылася выстава выцінанкі Вячаслава Дубінкі. У экспазіцыі прадстаўлены 32 творы мастака розных гадоў.
Старшыня Беларускага саюза майстроў народнай творчасці Яўген Сахута адзначыў, што ўсіх, хто прыйшоў на выставу, сабрала памяць пра цудоўнага майстра, які нядаўна пайшоў у лепшы свет. Паводле яго слоў, Дубінка стаў настаўнікам для вялікага атрада майстроў выцінанкі, якім можа ганарыцца краіна. «І ўсе гэтыя майстры свядома ці несвядома абапіраліся на набыткі Дубінкі — на яго стылістыку, дасягненні і характар работ», — сказаў Сахута.
Ён адзначыў, што Дубінка пачынаў працаваць тады, калі выцінанку ведалі рэдкія энтузіясты і спецыялісты ў галіне народнай культуры. «І наўрад ці ён падазраваў, што настане такі час, калі гэты калісьці папулярны, а потым цалкам забыты від мастацкай творчасці зноў узыдзе на арэну і зойме свае пачэснае месца сярод сучасных відаў мастацкай творчасці», — дадаў Сахута.
Паводле слоў мастака Уладзіміра Басалыгі,
жыццё Дубінкі — прыклад, чаго можа дамагчыся чалавек сваёй упартай працай.
Басалыга мяркуе, што карані творчасці майстра — у пошуках прыгажосці яго маці, якая ў цяжкія пасляваенныя гады брала звычайную газету і нажніцамі выцінала ўзоры на вакно.
Мастак Аляксей Марачкін назваў Дубінку «класікам народнага мастацтва», які быў універсальным творцам — сябрам чатырох саюзаў: журналістаў, пісьменнікаў, народных майстроў і мастакоў, хаця і не меў вышэйшай мастацкай адукацыі.
Пісьменнік Уладзімір Арлоў лічыць творчасць Дубінкі цудам, а пасол Швецыі ў Беларусі Стэфан Эрыксан — унікальнай з’явай беларускай культуры.
Выстава працуе да 29 кастрычніка.
-
Пазняк прэзентаваў кнігу «Віленшчына любімая і прыўкрасная». Там ёсць нават вершы па-французску
-
«70% мастакоў у чорных спісах». Мастак Сяргей Грыневіч пасля трыумфу ў Венецыі расказаў пра гады маўчання і пра тое, на якім свеце ён апынуўся
-
У наступную суботу ў Вільні пройдзе Сямейны беларуска-літоўскі фэст з літсцэнай
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары