Łukašenka: Usie padarunki Papy Bieniedykta XVI znachodziacca na samym bačnym miescy

Pamiž dziaržavaj i katalickaj carkvoj skłalisia dobryja adnosiny, zajaviŭ Alaksandr Łukašenka siońnia na sustrečy z papskim lehatam kardynałam Jozafam Tomkam.

Alaksandr Łukašenka padkreśliŭ, što Biełaruś vybudoŭvaje dobryja adnosiny z katalickaj carkvoj. «Nie pomniu, kab u nas byli supiarečnaści pamiž kanfiesijami, dziaržavaj i kanfiesijami. My starajemsia padtrymlivać mir, tamu što heta asnova stabilnaści dziaržavy. A biez stabilnaści nie moža być ni dabrabytu, ni praćvitańnia. U hetym sens usioj našaj palityki i ŭzajemaadnosin našaha kiraŭnictva, uład, u tym liku i z katalickaj carkvoj», — padkreśliŭ jon.

Kiraŭnik dziaržavy zapeŭniŭ papskaha lehata, što katalickaja carkva moža nie chvalavacca za situacyju, jakaja składvajecca vakoł jaje ŭ Biełarusi.

«Maja palityka absalutna adkrytaja ŭ adnosinach da katalickaj carkvy», — dadaŭ jon.

Alaksandr Łukašenka paprasiŭ pieradać padziaku Papu Rymskamu Bieniedyktu XVI za toje, što jon prysłaŭ u Biełaruś «svajho bližejšaha paplečnika i saratnika». «Spadziajusia, što ŭ vas zastanucca dobryja ŭražańni ab našaj krainie i našym narodzie, — adznačyŭ jon. — Chacieŭ by pažadać praćvitańnia vašaj carkvie, i kab my nikoli nie mieli nijakich prablem, jak nie majem ich i ciapier z katalickaj carkvoj, tamu što sotni tysiač našych suajčyńnikaŭ naležać da hetaj kanfiesii».

Kiraŭnik dziaržavy adznačyŭ, što na terytoryi byłoha Savieckaha Sajuza Biełaruś zajmaje druhoje miesca paśla Litvy pa kolkaści viernikaŭ-katolikaŭ.

«Heta ab mnohim śviedčyć, bo sotni tysiač našych ludziej — vierniki. Našy katoliki vielmi pryncypovyja, sumlennyja i vielmi vierujučyja ludzi. Urad i ja abaviazany ŭličvać hety faktar», — skazaŭ jon, dadaŭšy, što dziaržava vybudoŭvaje dobryja adnosiny z katalickaj carkvoj.

Źviartajučysia da Jozafa Tomki, Alaksandr Łukašenka skazaŭ: «Prašu pieradać majmu dobramu, ja spadziajusia, siabru, Papu Rymskamu Bieniedyktu XVI samyja lepšyja pažadańni. Ja vielmi dobra pomniu ŭsie momanty našaj sustrečy i našu razmovu.

Usie padarunki Papy Bieniedykta XVI znachodziacca na samym bačnym miescy, i chto b ni zachodziŭ da mianie ŭ dom, jany bačać hetyja padarunki».

U svaju čarhu papski lehat pieradaŭ najlepšyja pažadańni Papy Rymskaha prezidentu Biełarusi i ŭsiamu biełaruskamu narodu. «Adčuvaju, što pryjechaŭ u cudoŭnuju siamju», — skazaŭ jon. Jozaf Tomka adznačyŭ, što ŭ jaho vielmi dobraja nahoda dla pajezdki — śviatkavańnie 300-hodździa aśviačeńnia Minskaha kafiedralnaha sabora imia Praśviatoj Dzievy Maryi. Heta mierapryjemstva zapłanavana na 9 kastryčnika. «Ja vielmi zadavoleny tym, što znachodžusia tut u jakaści śpiecyjalnaha pradstaŭnika Papy Rymskaha», — dadaŭ jon.-0-

• 0
• 0
• 0
• 0
• 0
• 0
• 0
• 0